PEBRERO 1, 2023 | UPDATED: AGOSTO 1, 2023
RUSSIA

UPDATE—NAHATULAN ANG KAPATID | “Hindi ang Kalagayan Ko ang Kailangang Baguhin”

I-PLAY

Noong Hulyo 28, 2023, hinatulan ng Kovrovskiy City Court of the Vladimir Region si Brother Boris Simonenko at sinentensiyahan ng dalawang taon at pitong buwan sa bilangguan. Pero sa haba ng pretrial detention niya at pagkabilanggo sa sariling bahay, natapos na niya ang sentensiyang ito. Hindi siya makukulong sa ngayon.

Profile

Boris Simonenko

Ipinanganak: 1955 (Ukraine)

Maikling Impormasyon: Nagtrabaho bilang minero

Napangasawa si Ida noong 1978. May isa silang anak na lalaki, si Aleksey

Nakipag-aral ng Bibliya si Ida sa mga Saksi ni Jehova. Di-nagtagal, nakisama sa kaniya sa pag-aaral si Boris nang makita niyang mas gumanda ang buhay-pampamilya nila dahil ikinakapit ng asawa niya ang mga prinsipyo sa Bibliya. Nabautismuhan si Ida noong 1996, si Aleksey noong 1998, at si Boris naman noong 2000

Personal na mga Komento

Sa kabila ng mga problemang nakakaharap ninyo, paano ka nananatiling positibo?

May narinig akong pahayag sa panrehiyong kombensiyon na nakatulong sa akin. Sinabi ng brother: “Mas mabuting nakabilanggo na kasama ang Diyos kaysa nasa labas ng bilangguan nang walang Diyos.” Na-realize ko na para maging masaya, hindi ang kalagayan ko ang kailangang baguhin kundi ang saloobin ko sa mga kalagayan. Isinapuso ko iyon, at napatibay ako nito na patuloy na magtiis. Sabi nga sa Awit 27:13: “Nasaan na ako ngayon kung wala akong pananampalataya na makikita ko ang kabutihan ni Jehova sa lupain ng mga buháy?” Kahit na mahigit 20 taon na akong naglilingkod kay Jehova, nakatulong sa akin ang mga kalagayan ko ngayon na maging mas malapít sa kaniya.

Nakatitiyak tayo na patuloy na tatanggap si Boris at ang pamilya niya ng lakas at kagalakan habang nananatili silang malapít kay Jehova.—1 Cronica 16:27.

Time Line

Pebrero 8, 2021

Palihim na inirekord ng mga awtoridad ang mga tawag ni Boris sa telepono para magsimula ng imbestigasyon
Pebrero 17, 2021

Hinalughog ang bahay niya. Sumailalim sa interogasyon at inilagay sa temporary detention
Pebrero 18, 2021

Sinampahan ng kasong kriminal. Inakusahan ng pagdaraos ng mga pulong ng mga Saksi ni Jehova sa Internet. Inilagay sa pretrial detention
Hulyo 13, 2021

Pinalaya sa pretrial detention at inilagay sa house arrest
Pebrero 17, 2022

Pinalaya mula sa house arrest at pinagbawalang magbiyahe
Setyembre 15, 2022

Nagsimula ang paglilitis

Tingnan Din

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE