ABRIL 25, 2023 | UPDATED: OKTUBRE 23, 2023
RUSSIA

UPDATE—NAHATULAN ANG KAPATID | “Kagalakan ang Nagpapalakas sa Akin Para Patuloy Kong Paglingkuran si Jehova”

I-PLAY

Noong Oktubre 23, 2023, hinatulan ng Zavodskiy District Court of Kemerovo si Brother Vladimir Baykalov ng anim-na-taóng suspended prison sentence. Hindi siya makukulong sa ngayon.

Profile

Vladimir Baykalov

Ipinanganak: 1963 (Krapivinskiy, Kemerovo Region)

Maikling Impormasyon: Isang propesyonal na boksingero bago naging Saksi ni Jehova. Naging sports trainer at manager ng isang sports stadium

Napangasawa si Irina noong 1984. Mayroon silang isang anak na lalaki at babae

Nagpa-Bible study si Irina noong 1995 at nabautismuhan noong 1996. Nakita ni Vladimir ang magandang epekto sa pamilya niya ng pagsasabuhay ng mga prinsipyo sa Bibliya. Na-injure si Vladimir kaya tumigil siya sa pagiging atleta. Pinag-isipan ang buhay niya at nagpa-Bible study. Nabautismuhan noong 1999

Personal ng mga Komento

Ano ang nakatulong sa iyo na magtiis?

Kagalakan ang nagpapalakas sa akin para patuloy kong paglingkuran si Jehova. Para manatili akong masaya, nagiging abala ako sa paglilingkod sa kaniya. Pinag-iisipan ko rin ang napakagandang kinabukasan na ipinangako ni Jehova kaya masaya pa rin ako kahit sa mga court hearing.

Anong teksto sa Bibliya ang nakatulong sa iyo?

Sa Marcos 13:11, sinabi ni Jesus ang gagawin natin kapag dinala tayo sa harap ng mga opisyal ng hukuman: “Huwag kayong mag-alala kung ano ang sasabihin ninyo; kundi anuman ang ibigay sa inyo sa oras na iyon, iyon ang sabihin ninyo, dahil hindi kayo ang magsasalita, kundi ang banal na espiritu.” Sa unang court hearing, binigyan ako ng judge ng pagkakataong ipagtanggol ang sarili ko. Nakakatakot sa loob ng hukuman. Pero sa tulong ng espiritu ni Jehova, nakapagsalita ako nang kalmado at may paggalang. Damang-dama ko na sinagot ni Jehova ang mga panalangin ko kasi pinalakas niya ang loob ko.

Sigurado tayo na patuloy ng patitibayin ni Jehova ang lahat ng tapat na mga lingkod niya para matiis nila ang mga pagsubok nang may kagalakan.—Santiago 1:2, 3.

Time Line

Pebrero 2, 2022

Sinampahan ng kasong kriminal
Pebrero 3, 2022

Hinalughog ang apartment
Oktubre 26, 2022

Inakusahan at pinagbawalang magbiyahe
Nobyembre 30, 2022

Nagsimula ang paglilitis

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE