ENERO 17, 2023| UPDATED: ABRIL 17, 2023
RUSSIA

UPDATE—NAHATULAN ANG KAPATID | “Laging Malapit sa Akin si Jehova”

I-PLAY

Noong Abril 17, 2023, hinatulan ng Metallurgicheskiy District Court of Chelyabinsk si Sister Olga Zhelavskaya at pinatawan ng dalawang-taóng suspended prison sentence. Hindi siya makukulong sa ngayon.

Profile

Olga Zhelavskaya

Ipinanganak: 1962 (Potapovo, Chelyabinsk Region)

Maikling Impormasyon: Nagtrabaho bilang elevator maintenance dispatcher

Nakilala ang mga Saksi ni Jehova nang mag-aral ng Bibliya ang isang kakilala niya. Nasagot ang mga tanong niya tungkol sa kamatayan at pag-iral ng Diyos. Nabautismuhan noong 2012

Personal na mga Komento

Anong ulat sa Bibliya ang nagpatibay sa iyo?

Bago pa ang una kong pagdinig sa korte, pinatibay ako ng isang brother na pag-isipan ang halimbawa ni Jonas na mapapanood sa video na Ang Kuwento ni Jonas—Aral Tungkol sa Lakas ng Loob at Awa. Takot na takot si Jonas na ihayag ang hatol ni Jehova sa mga taga-Nineve. Nang una siyang pumasok sa lunsod, tahimik niyang inihayag ang hatol. Pero di-nagtagal, naging mas matapang na siya sa paghahayag nito. Talagang nakapagpapatibay ang ulat na iyon. Na-realize ko na talagang nakakatulong sa akin ang mahihirap na sitwasyong ito para tumibay ang pananampalataya ko at makapagtiis ako. Palagi nitong ipinapaalala sa akin na laging malapit sa akin si Jehova kaya wala akong dapat ikatakot.

Sigurado tayo na anumang pagsubok ang maranasan natin, ‘hindi matitinag’ ang mga lingkod ni Jehova dahil sa maibiging suporta niya.—Awit 16:8.

Time Line

Hunyo 16, 2018

Nilagyan ng mga awtoridad ng audio at video surveillance ang bahay ni Olga para subaybayan siya at ang mga gawain niya
Marso 26, 2019

Hinalughog ang bahay dahil sa imbestigasyon kay Brother Vladimir Suvorov
Agosto 31, 2021

Sinampahan ng kasong kriminal. Inakusahan ng pagsuporta sa mga gawain ng isang ekstremistang organisasyon dahil ginaganap ang mga pulong sa bahay niya
Oktubre 22, 2021

Na-stroke at naospital
Setyembre 28, 2022

Nagsimula ang paglilitis

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE