Noong Hulyo 11, 2023, hinatulan ng Kuznetskiy District Court of Novokuznetsk si Sister Lyubov Serebryakova at pinatawan ng apat-na-taóng suspended prison sentence. Hindi siya makukulong sa ngayon.

Buo ang tiwala ni Lyubov kay Jehova at nakakatiyak siya na ‘kikilos si Jehova para sa kaniya.’ (Awit 37:5) Napakagandang halimbawa nito kapag napaharap din tayo sa pag-uusig.

1. Nobyembre 2019-2020

   Minanmanan ang maraming Saksi ni Jehova sa pamamagitan ng mga audio at video recording at nakatagong mga mikropono

2. Hulyo 8, 2022

   Sinimulan ang imbestigasyon dahil sa pagdalo ni Lyubov sa mga pulong ng mga Saksi ni Jehova at sa pakikipag-usap niya sa iba tungkol sa Bibliya

3. Hulyo 26, 2022

   Inakusahan ng pakikibahagi sa mga gawain ng isang ekstremistang organisasyon. Pinagbawalang magbiyahe

4. Setyembre 21, 2022

   Nagsimula ang paglilitis