MAYO 2, 2023| UPDATED: HULYO 3, 2023
RUSSIA

UPDATE—NAHATULAN ANG KAPATID | Napatibay ng mga Halimbawa ng Pananampalataya ng Tapat ng mga Lingkod

I-PLAY

Noong Hunyo 30, 2023, hinatulan ng Leninskiy District Court of Novosibirsk si Brother Dmitriy Dolzhikov at sinentensiyahan ng tatlong taon sa bilangguan. Pero binago ng judge ang hatol at ginawang tatlong-taóng sapilitang pagtatrabaho. Hindi siya makukulong sa ngayon. Sa panahon ng sentensiya niya, kukumpiskahin ng gobyerno ang 10 porsiyento ng kinikita niya. Hindi rin siya puwedeng lumabas sa hangganan ng lunsod.

Profile

Dmitriy Dolzhikov

Ipinanganak: 1978 (Kamyshevka, Rostov Region)

Maikling Impormasyon: Nagtrabaho sa mga pabrika at konstruksiyon

Nakilala niya ang mga Saksi ni Jehova nang mag-aral ng Bibliya ang nanay niya. Dumalo siya sa isang kombensiyon ng mga Saksi at humanga siya sa pag-ibig at pagkakaisa na nakita niya. Nabautismuhan siya noong 1997

Napangasawa niya si Marina noong 2008

Personal na mga Komento

Paano ka naghanda para sa pag-uusig?

Nang arestuhin si Brother Dennis Christensen noong 2017 at nahatulang makulong, inisip ko kung paano ko mapapatibay ang aking pananampalataya bago ako maaresto. Nanalangin ako kaayon ng pananalita sa Awit 26:2, kung saan hiniling ni David na suriin siya ni Jehova at dalisayin ang kaniyang isip at puso. Hiniling ko kay Jehova sa panalangin na tulungan akong makita ang aking mga kahinaan. Muli kong binasa ang mga publikasyong gaya ng aklat na Mga Tagapaghayag ng Kaharian at Jesus—Ang Daan, ang Katotohanan, ang Buhay. Isinaulo ko rin ang mga teksto sa Bibliya kung saan nangangako si Jehova na tutulungan niya ang mga lingkod niya sa harap ng mga pagsubok.

Anong ulat sa Bibliya ang nakatulong sa iyo na magtiis?

Napatibay ako ng halimbawa ni Elias. Nang tumatakas siya sa masamang reyna na si Jezebel, kinailangan niya ang tulong ni Jehova. Kaya ipinaalaala ni Jehova kay Elias ang Kaniyang kapangyarihan at inaliw din niya si Elias na hindi siya nag-iisa. Dahil alam kong kasama ko si Jehova, tutulungan niya ako na madaig ko ang anumang takot.

Nagtitiwala tayo na patuloy na palalakasin ni Jehova si Dmitry at tayong lahat at alam Niya ang ating pananampalataya at pagtitiis.—Apocalipsis 2:19.

Time Line

Mayo 13, 2022

Sinampahan ng kasong kriminal
Setyembre 8, 2022

Hinalughog ang apartment. Inilagay sa temporary detention
Setyembre 9, 2022

Sumailalim sa interogasyon at isinakay ng eroplano papuntang Chelyabinsk tungo sa isang pretrial detention center sa Novosibirsk, mahigit 1,500 kilometro ang layo
Nobyembre 11, 2022

Nagsimula ang paglilitis
Nobyembre 24, 2022

Pinalaya mula sa pretrial detention at inilagay sa house arrest

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE