DISYEMBRE 21, 2021 | UPDATED: ENERO 24, 2024
RUSSIA

UPDATE—NAHATULAN ANG KAPATID | Panalangin sa Kaniyang Best Friend na si Jehova at Halimbawa ng mga Tapat ang Nakatulong kay Sister Yelena Menchikova

I-PLAY

Noong Enero 23, 2024, si Sister Yelena Menchikova ay hinatulan ng Cherkessk City Court of the Karachayevo-Circassian Republic ng suspended prison sentence na apat na taon at anim na buwan. Hindi siya makukulong sa ngayon.

Noong Disyembre 5, 2022, binaligtad ng Fifth General Jurisdiction Court of Cassation ang naunang hatol kay Sister Yelena Menchikova. Muli siyang haharap sa paglilitis.

Time Line

Disyembre 15, 2021

Hinatulang nagkasala ng Cherkessk City Court of the Karachayevo-Circassian Republic si Yelena at pinatawan ng limang-taóng suspended prison sentence.
Hunyo 9, 2021

Nagsimula ang paglilitis
Marso 9, 2021

Sinampahan siya ng imbestigador ng ikalawang kasong kriminal. Inaakusahan siya ngayon ng “pagpaplano” na isama ang iba sa mga gawain ng isang ekstremistang organisasyon
Pebrero 10, 2021

Hindi pinagbigyan ng imbestigador ang kahilingan ni Yelena na ibasura ang kaso pagkatapos niyang magpaliwanag sa pamamagitan ng pagsipi mula sa Bibliya. Sinabi ng imbestigador na dahil sumipi siya sa Bibliya, lalo lang niyang pinatunayan na kasama nga siya sa “kriminal” na mga gawain
Nobyembre 13, 2020

Sinampahan siya ng imbestigador ng kasong kriminal dahil sa pag-awit at pananalangin kay Jehova
Nobyembre 12, 2020

Hinalughog ng mga pulis ang bahay ni Yelena sa ikalawang pagkakataon
Disyembre 16, 2019

Hinalughog ng mga opisyal ng FSB sa Cherkessk ang mga bahay ng 10 pamilya na mga Saksi ni Jehova, kasama na ang bahay ni Yelena

Profile

Yelena Menchikova

Ipinanganak: 1964 (Zaporzhye, Ukraine)

Maikling Impormasyon: Lumaki sa isang ampunan. Nagtrabaho sa pagtatayo ng isang nuclear power station, na nagdulot sa kaniya ng sakit. Nagtatrabaho bilang isang arkitekto mula noong 2003

Dating ateista. Sa pagba-Bible study kasama ng mga Saksi ni Jehova, nakumbinsi na mayroong Maylalang na may magandang layunin para sa lupa. Nabautismuhan noong 1995. Mahilig mag-hiking at magdrowing

Personal na mga Komento

Paano nakatulong sa iyo ang panalangin para lalo kang mapalapít kay Jehova?

Gustong-gusto kong manalangin nang mahaba kapag namamasyal ako at pinagmamasdan ko ang mga nilalang ng Diyos. . . . Sinasabi ko ang lahat ng laman ng puso ko kay Jehova, ang mga iniisip ko, nadarama, at mga problema. Lagi akong tinutulungan ni Jehova na maging kalmado, kaya lalo akong napapalapít sa kaniya.

Si Jehova ang Best Friend ko at agad niya akong tinutulungan anuman ang problema ko. Mabuti man o hindi ang sitwasyon ko, puwede ko siyang lapitan kahit anong oras.

Paano nakatulong sa iyo ang mga halimbawa ng tapat na mga babae sa Bibliya?

Malaking tulong sa akin ang halimbawa ng tapat na mga babae na gaya nina Sara, Rahab, Hana, at Maria. . . . Napaharap sila sa mahihirap na problema. Pero ginawa nila ang kanilang buong makakaya para maging matapang at makipaglaban nang husto para sa pananampalataya, at ginantimpalaan sila ni Jehova dahil sa kanilang katapatan.

Nananalangin tayo na patuloy na tutulungan at papalakasin ni Jehova si Yelena at ang lahat ng tapat na mga lingkod Niya na pinag-uusig.—Awit 119:49, 50.

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE