PEBRERO 21, 2024 | UPDATED: MARSO 25, 2024
RUSSIA

UPDATE—NAHATULAN ANG KAPATID | Pinalakas ng Maraming Kapatid

I-PLAY

Noong Marso 22, 2024, hinatulan ng Central District Court of Tolyatti si Sister Yelena Yurenkova at pinatawan ng dalawang-taóng suspended prison sentence. Hindi siya makukulong sa ngayon.

Profile

Yelena Yurenkova

Ipinanganak: 1970 (Tolyatti, Samara Region)

Maikling Impormasyon: Hindi niya nakita sa pilosopiya at sekular na mga akda ang sagot sa mga tanong niya sa buhay. Nakumbinsi siyang nasa Bibliya ang katotohanan nang makipag-aral siya sa mga Saksi ni Jehova. Nabautismuhan siya noong 1999

Napangasawa niya si Yuriy noong 2000. May dalawa silang anak na babae

Personal na mga Komento

Gaano kahalaga sa iyo ang suporta ng mga kapatid?

No’ng una kong makausap ang abogadong ibinigay sa akin ng gobyerno, hindi niya maintindihan kung bakit hindi ako kontento na basta magbasa lang ng Bibliya at manalangin nang mag-isa at gusto ko pang makasama ang mga kapatid sa pagsamba kahit na ’yon ang dahilan kaya ako lilitisin. Tinanong ko siya kung nag-e-enjoy ba siyang mamasyal sa kagubatan, at nalaman kong sa gano’ng lugar pala siya nakatira at gustong-gusto niya ang gano’ng payapang paligid. Kaya sinabi ko sa kaniya na kapag kasama ko ang mga kapatid, para akong nasa gitna ng isang malawak at magandang kagubatan. Hindi tayo gaya ng magkakahiwalay na puno na walang proteksiyon. Gaya ng magkakatabing puno sa gubat, sinusuportahan natin at pinapalakas ang isa’t isa.

Nagpapasalamat tayo dahil hindi pinapabayaan ni Jehova si Yelena at ang lahat ng kapatid nating pinag-uusig habang ‘naglilingkod tayo sa kaniya nang balikatan.’—Zefanias 3:9.

Time Line

Mayo 15, 2023

Sinampahan ng kasong kriminal
Mayo 16, 2023

Hinalughog ang bahay niya. Pinagtatanong at pinagbawalang pumunta sa ibang lugar
Hunyo 5, 2023

Inakusahan ng opisyal ng gobyerno ng paggawa ng krimen
Agosto 23, 2023

Nagsimula ang paglilitis

Tingnan Din

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE