SETYEMBRE 13, 2023 | UPDATED: MARSO 12, 2024
RUSSIA

UPDATE—NAHATULAN ANG KAPATID | “Proud Akong Maging Isang Saksi ni Jehova!”

I-PLAY

Noong Marso 1, 2024, hinatulan ng Sovietskiy District Court of the City of Oryol si Sister Tatyana Piskareva ng sapilitang pagtatrabaho nang dalawang taon at anim na buwan. Mananatili siya sa isang correctional facility at magtatrabaho sa lugar na ibibigay sa kaniya.

Profile

Tatyana Piskareva

Ipinanganak: 1956 (Belenikhino, Belgorod Region)

Maikling Impormasyon: Nagtatrabaho sa accounting

Napangasawa si Vladimir noong 1976. Mayroon silang dalawang anak

Nakilala ang mga Saksi ni Jehova dahil sa isang kapitbahay. Humanga silang mag-asawa sa kabaitan ng mga Saksi at sa kaalaman ng mga ito sa Bibliya. Nabautismuhan sila ni Vladimir noong 1995

Naaresto si Vladimir noong Disyembre 9, 2020, at ikinulong noong Disyembre 11, 2020, habang naghihintay ng paglilitis. Kasalukuyan siyang nakakulong habang isinusulat ang artikulong ito.

Personal na mga Komento

Anong teksto ang nakatulong sa iyo na makayanan ang pagkakulong ng iyong asawa at ang iyong paglilitis?

Talagang napatibay ako ng Awit 139:4, 5: “Bago pa man lumabas ang salita sa bibig ko, O Jehova, alam na alam mo na iyon. Sa likod at sa harap ko, pinalibutan mo ako; at ipinatong mo sa akin ang kamay mo.” Sa pinakamahihirap na sandali, dama ko na kasama ko si Jehova at nagtitiwala ako na sa tulong niya, matitiis ko ang anumang pagsubok. Kalmado ang puso ko. Mas determinado ako ngayon na sabihin sa iba ang tungkol kay Jehova. Proud ako na maging isang Saksi ni Jehova!

Gaya ni Tatyana, nagkakaroon tayo ng lakas at kaaliwan dahil alam nating kinakatawan natin si Jehova at lagi natin siyang kasama. Karangalan nating tawaging mga Saksi niya.—Isaias 44:8.

Time Line

Disyembre 9, 2020

Hinalughog ang bahay nina Tatyana at Vladimir. Inaresto si Vladimir
Disyembre 11, 2020

Dinala si Vladimir sa isang pretrial detention center
Oktubre 28, 2021

Sinampahan ng kasong kriminal si Tatyana
Abril 10, 2023

Nagsimula ang paglilitis

Tingnan Din

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE