MAYO 6, 2022 | UPDATED: PEBRERO 21, 2023
RUSSIA

UPDATE—NAHATULAN ANG KAPATID | Tatyana Obizhestvit—Nagtitiwala kay Jehova

I-PLAY

Noong Pebrero 20, 2023, hinatulan ng Vakhitovskiy District Court ng Kazan sa Republic of Tatarstan si Sister Tatyana Obizhestvit at pinatawan ng dalawang-taóng suspended prison sentence. Hindi niya kailangang makulong sa ngayon.

Time Line

Enero 19, 2020

Hinalughog ng mga awtoridad ang bahay ni Tatyana at ang mga bahay ng iba pang Saksi ni Jehova sa Kazan. Pinagtatanong si Tatyana at dinala sa isang temporary detention center
Enero 21, 2020

Pinalaya at inilagay sa house arrest
Mayo 25, 2021

Nagsimula ang paglilitis

Profile

Tatyana Obizhestvit

Ipinanganak: 1962 (Kazan)

Maikling Impormasyon: Nagtapos sa isang culinary school. Nagtrabaho bilang cook at nang maglaon ay naging nurse

Nag-Bible study sa mga Saksi ni Jehova at tuwang-tuwa siyang malaman na puwede siyang mabuhay magpakailanman. Kahit matinding pinag-usig ng pamilya, nabautismuhan noong 1995. Nagpalaki ng dalawang anak na babae. Nabiyuda noong 2010

Personal na mga Komento

Ano ang nakatulong sa iyo na madaig ang pagkasira ng loob noong naka-house arrest ka?

Madalas akong manalangin kay Jehova na bigyan ako ng lakas para makayanan ko ang sitwasyon . . . Nang ma-house arrest ako, nag-iisa na lang ako. Hindi ako puwedeng gumamit ng telepono, computer, o iba pang gadyet para makausap ko ang sinuman sa kongregasyon, o makisama sa sinuman. Mahirap iyon noong una. Madalas akong panghinaan ng loob. Pero sinikap kong huwag magpokus sa kalagayan ko. Nakatulong sa akin na maunawaang nasa ganito akong sitwasyon kasi mahal ko si Jehova at gusto ko siyang mapasaya. Iyan ang nakatulong sa akin na huwag magpokus sa sarili ko.

Pinapahalagahan natin ang halimbawa ni Tatyana sa pagtitiwala kay Jehova at hindi sa sarili niya habang patuloy siyang tapat na nagtitiis.—Kawikaan 3:5.

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE