MAYO 29, 2023 | UPDATED: MAYO 3, 2024
RUSSIA

UPDATE—NAHATULAN ANG MGA KAPATID | Mga Prinsipyo sa Bibliya, Nakakatulong sa mga Kapatid na Matiis ang mga Pag-uusig

I-PLAY

Noong Mayo 2, 2024, hinatulan ng Pozharskiy District Court of the Primorye Territory si Brother Nikolay Dikhtyar ng suspended prison sentence na dalawang taon at anim na buwan. Si Andrey Lyakhov naman, nang dalawang taon at walong buwan, si Yuriy Ponomarenko nang anim na taon at anim na buwan, at Oleg Sergeyev nang anim na taon at apat na buwan. Hindi sila makukulong sa ngayon.

Profile

Andrey Lyakhov

Ipinanganak: 1978 (Voznesenka, Primorye Territory)

Maikling Impormasyon: Nagtrabaho sa construction (interior finishing at remodelling)

Nakilala ang mga Saksi ni Jehova noong 2014. Natulungan nila siyang makita ang sagot sa mga tanong niya sa Bibliya kaya nakumbinsi siya na nakita na niya ang katotohanan. Nabautismuhan noong 2016

Personal na mga Komento

Ano ang nakatulong para manatiling matibay ang pananampalataya mo?

Kapag nasisiraan ako ng loob, madali akong mag-alala at sumuko. Alam ko na para manatili akong masaya, kailangan kong maging mas aktibo kaysa dati. Sa Mateo 6:33, pinapatibay tayo ni Jesus na ‘patuloy na unahin ang Kaharian.’ Kapag pinag-iisipan ko ang tekstong ito, mas nakakapagpokus ako sa kaugnayan ko kay Jehova. Iniisip ko rin na lagi akong tinutulungan ni Jehova kapag may problema. Kaya hindi ako dapat masiraan ng loob at sobrang mag-alala.

Oleg Sergeyev

Ipinanganak: 1984 (Vladivostok, Primorye Territory)

Maikling Impormasyon: Nagtatrabaho bilang electrician

Bata pa siya nang maging Saksi ni Jehova ang mga magulang niya. Nakumbinsi sa katotohanan sa pamamagitan ng personal na pag-aaral ng Bibliya. Nabautismuhan noong 1999

Napangasawa si Anastasiya noong 2010. May tatlo silang anak

Personal na mga Komento

May prinsipyo ba sa Bibliya na talagang nakatulong sa iyo?

Madalas kong pag-isipan ang sinabi ni Jesus sa Lucas 12:25, 26: “Sino sa inyo ang makapagpapahaba nang kahit kaunti sa buhay niya dahil sa pag-aalala? Kaya kung hindi ninyo magawa kahit ang maliit na bagay na iyon, bakit kayo mag-aalala tungkol sa iba pang bagay?” Nakakatulong ito para hindi ako sobrang mag-alala. May mga bagay kasi na hindi ko talaga kayang baguhin. Kaya ang pinakamagandang magagawa ko ay magtiis at lalo pang magtiwala kay Jehova.

Alam natin na, gaya nina Andrey, Nikolay, Oleg, at Yuriy, kung isasabuhay natin ang mga prinsipyo sa Bibliya, magiging “handang-handa [tayo] para sa bawat mabuting gawa.”—2 Timoteo 3:16, 17.

Time Line

Hulyo 16, 2021

Sinampahan ng kasong kriminal si Yuriy. Inakusahan siya ng pag-oorganisa ng mga gawain ng isang ekstremistang organisasyon
Hulyo 22, 2021

Hinalughog ang apartment ni Yuriy
Hulyo 24, 2021

Pinagbawalang magbiyahe si Yuriy
Nobyembre 1, 2021

Hinalughog ang apartment ni Oleg
Nobyembre 2, 2021

Pinagbawalang magbiyahe si Oleg
Pebrero 12, 2022

Sinampahan ng kasong kriminal si Oleg
Marso 14, 2022

Sinampahan ng kasong kriminal si Nikolay
Marso 15, 2022

Sinampahan ng kasong kriminal si Andrey
Agosto 10, 2022

Nagsimula ang paglilitis

Tingnan Din

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE