Noong Disyembre 5, 2023, hinatulan ng Surgut City Court of the Khanty-Mansi Autonomous Area—Yugra ang 17 brother at isang sister. Kasama sa kanila sina Brother Vasiliy Burenesku, Viktor Fefilov, Igor Kobotov, Igor Petrov, Leonid Rysikov, Igor Trifonov, at Brother Pavel Romashov at ang asawa niyang si Sister Viola Shepel. a Hinatulan ang 17 brother ng suspended prison sentence mula anim na taon at tatlong buwan hanggang pitong taon. Pinatawan naman si Sister Shepel ng suspended prison sentence na tatlong taon at tatlong buwan. Hindi sila makukulong sa ngayon.

1. Pebrero 15, 2019

   Hinalughog ng mga pulis ang bahay ng maraming Saksi ni Jehova sa Surgut at sa kalapit na mga lunsod. Ayon sa ulat, pitong brother ang pinahirapan sa panahon ng interogasyon. Tatlong brother ang inilagay sa pretrial detention at isang brother naman ang pinapunta sa isang psychiatric hospital

2. Oktubre 3, 2019

   Inilista sina Viktor, Igor Kobotov, Igor Petrov, Leonid, Igor Trifonov, Pavel, at Viola bilang mga ekstremista

3. Oktubre 10, 2019

   Inilista si Vasiliy bilang ekstremista

4. Hulyo 23, 2020

   Hinalughog ang bahay ni Petrov sa ikalawang pagkakataon, at kinuha ang marami pa niyang gamit

5. Oktubre 29, 2021

   Nagsimula ang paglilitis

Kumbinsido tayo na anumang ‘kapighatian, pagdurusa, pag-uusig, o panganib’ ang nararanasan ng mga kapatid natin, ‘lubos silang magtatagumpay’ dahil sa pag-ibig at tulong ni Jehova.—Roma 8:35, 37.