HULYO 26, 2022 | UPDATED: DISYEMBRE 6, 2023
RUSSIA

UPDATE—NAHATULAN ANG MGA KAPATID | Napapalakas ng Panalangin

I-PLAY

Noong Disyembre 5, 2023, hinatulan ng Surgut City Court of the Khanty-Mansi Autonomous Area—Yugra ang 17 brother at isang sister. Kasama dito sina Brother Vyacheslav Boronos, Saveliy Gargalyk, Yevgeniy Kayryak, Artem Kim, Sergey Loginov, Aleksey Plekhov, at Sergey Volosnikov. Hinatulan ang 17 brother ng suspended prison sentence mula anim na taon at tatlong buwan hanggang pitong taon. Pinatawan naman ang sister ng suspended prison sentence na tatlong taon at tatlong buwan. Hindi sila makukulong sa ngayon.

Time Line

Pebrero 15, 2019

Hinalughog ng mga pulis ang bahay ng maraming Saksi ni Jehova sa Surgut at sa kalapit na mga lunsod. Dahil dito, tatlong brother, kasama si Sergey Loginov, ang dinala sa pretrial detention. Ang isang brother naman ay inutusang magreport sa isang psychiatric hospital. Ang pitong brother sa report na ito ay pinagmalupitan nang pisikal dahil tumanggi silang magbigay ng impormasyon tungkol sa mga kapananampalataya nila
Pebrero 26, 2019

Inutusan ng European Court of Human Rights ang gobyerno ng Russia na palayain si Sergey Loginov para makapagpagamot siya
Abril 11, 2019

Pinalaya si Sergey Loginov mula sa pretrial detention
Oktubre 29, 2021

Nagsimula ang paglilitis

Profile

Yevgeniy Kayryak

Ipinanganak: 1986 (Surgut)

Maikling Impormasyon: Nag-aral siya ng Bibliya kasama ng kaniyang mga magulang at dalawang kapatid noong mga taon ng 1990’s. Nabautismuhan noong 2006. Napangasawa si Rosanna noong 2016

Personal na mga Komento

Ano ang nakatulong sa iyo kapag nag-aalala ka?

Kung minsan, nakikinig ako ng mga awiting pang-Kaharian. Nakakatulong din sa akin ang marubdob na panalangin para kumalma. Habang naka-house arrest, isinusulat ko sa isang notebook ang mga teksto sa Bibliya at ang mga liriko ng mga awit natin.

Madalas kong isipin ang sinasabi sa Mateo 10:28: “Huwag kayong matakot sa makapapatay sa katawan pero hindi makapupuksa sa buhay.” Ang mga pananalitang ito, na nasa isa rin sa mga awit natin, ang nakatulong sa akin na talagang magtiwala kay Jehova.

Ano ang nadarama mo noong nasa korte ka?

Ramdam ko na binibigyan ako ni Jehova ng lakas ng loob. . . . Kapag nasa panig ka ng katotohanan, walang dahilan para makonsensiya ka. Lakas-loob akong tumatayo at magalang na nagsasalita. Ang pagdalo sa mga pagdinig ay laging nagpapalakas sa aming mag-asawa.

Sergey Loginov

Ipinanganak: 1961 (Republic of Bashkortostan)

Maikling Impormasyon: Namatay ang mga magulang niya noong bata pa siya. Maraming taon niyang inalagaan ang tiyahin niya. Sinanay siya bilang isang electric power engineer at nagtrabaho sa loob ng maraming taon sa industriya ng enerhiya

Noong 1993, nagpa-Bible study siya sa mga Saksi ni Jehova. Nagustuhan niya ang mga pamantayan ng Bibliya at gusto niyang isabuhay ang mga ito. Nabautismuhan noong 1996

Personal na mga Komento

Anong nakatulong sa iyo na manatiling tapat sa kabila ng malupit na pagtrato sa iyo habang nakakulong ka?

Hiniling ko kay Jehova sa panalangin na bigyan ako ng lakas na manatiling tapat sa kaniya . . . at manatiling kalmado. Kapag nasa gayong sitwasyon ka at hindi mo kontrolado ang nangyayari sa iyo, nararanasan mo ang tulong ni Jehova sa ibang paraan. Talagang umaasa ako sa kaniya.

Habang lakas-loob na patuloy na tinitiis ng mga kapatid natin ang pag-uusig, nagtitiwala tayo na dinirinig ni Jehova ang mga panalangin nila at agad na sinasagot ito kapag nahihirapan sila.—Awit 69:17.

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE