SETYEMBRE 14, 2023 | UPDATED: SETYEMBRE 22, 2023
RUSSIA

UPDATE—NAHATULAN ANG MGA KAPATID | Pinatibay ng Panalangin ang Tatlong Sister

I-PLAY

Noong Setyembre 21, 2023, hinatulan ng Zeya District Court of the Amur Region sina Sister Margarita Moiseyenko, Galina Yatsik, at Yelena Yatsyk. Si Sister Moiseyenko ay pinatawan ng tatlong-taóng supended prison sentence, dalawang taon naman para kay Sister Yatsik, at dalawa’t kalahating taon para kay Sister Yatsyk. Hindi sila makukulong sa ngayon.

Mga Profile

Margarita Moiseyenko

Ipinanganak: 1978 (Krasnoyarsk, Krasnoyarsk Territory)

Maikling Impormasyon: Isang mananahi. Napangasawa niya si Konstantin noong 1998. Nahatulang mabilanggo si Konstantin nang anim na taon noong Hulyo 14 2021

Nagsimula siyang mag-aral ng Bibliya sa edad na 18 pagkatapos mamatay ang isang malapít na kamag-anak. Nabautismuhan siya bilang isa sa mga Saksi ni Jehova noong 2001

Personal na mga komento

Ano ang nakatulong sa iyo na magtiis?

Naalaala ko ang Kawikaan 21:31 na tinalakay sa 2018 na “Magpakalakas-Loob” na Panrehiyong Kombensiyon. Sabi ng talata: “Inihahanda ang kabayo para sa araw ng labanan, pero ang kaligtasan ay mula kay Jehova.” Maaaring madaling matakot ang mga kabayo. Para hindi matakot sa labanan, kailangan silang “ihanda” o sanayin. Totoo din iyan sa atin. Hindi tayo ipinanganak na may pananampalataya at lakas ng loob. Dapat tayong maghanda para sa ating mga laban, kaya linangin natin ang mga katangiang ito. Para gawin iyon, na-realize ko na napakahalagang patibayin ko ang kaugnayan ko kay Jehova, pag-aralan ang Bibliya at bulay-bulayin ito, at manalangin anuman ang mangyari, para manatiling matibay ang aking pananampalataya.

Galina Yatsik a

Ipinanganak: 1950 (Zeya)

Maikling Impormasyon: Nagtrabaho bilang isang cost analyst para sa mga departamento ng construction at maintenance ng lunsod. Nagretiro na

Napangasawa niya si Valeriy noong 1971. Mayroong silang isang anak na babae at lalaki. Nabiyuda noong 1995

Pinalaki siyang isang ateista pero lagi siyang nagtatanong tungkol sa pinagmulan ng buhay. Binasa niya ang mga magasing Bantayan at Gumising! at dumalo sa mga pulong. Nalaman niya ang ebidensiya kaya nakumbinsi siya na may isang Maylalang. Nabautismuhan siya noong 1994

Personal na mga Komento

Ano ang natutuhan mo tungkol sa kapangyarihan ng panalangin sa mahirap na panahong ito?

Natutuhan ko ang kahalagahan ng maikling panalangin sa di-inaasahang mga sitwasyon. Nakatulong ito sa akin na manatiling kalmado at sumagot nang tama. Nakakapagpatibay malaman na ipinapanalangin din ako ng iba. Sinasabi sa Santiago 5:16: “Napakalaki ng nagagawa ng pagsusumamo ng taong matuwid.” Na-realize ko na dahil sa mga panalangin para sa akin ng aking mga kapananampalataya kaya napapanatili ko ang panloob na kapayapaan at huwag matakot. Ang mga panalangin ko at ng iba ay parang balsa para makayanan ko ang mga pagsubok.

Yelena Yatsyk b

Ipinanganak: 1972 (Zeya)

Maikling Impormasyon: Isang mananahi

Napangasawa niya si Audrey noong 1994. Mayroon silang isang anak na babae

Unang nakipag-aral ng Bibliya sa mga Saksi ni Jehova ang nanay at nakakabatang kapatid na lalaki ni Yelena, si Yevgeniy Bitusov. Nakita ni Yelena na kapaki-pakinabang ang mga prinsipyo sa Bibliya at gumanda ang buhay niya nang sundin niya ang mga ito. Nabautismuhan siya noong 1997

Personal na mga Komento

Ano ang naging epekto sa iyo ng pag-uusig?

Napatibay nito ang kaugnayan ko sa Diyos. Nanalangin ako kay Jehova na maging kalmado ako, at makita ang mga sagot niya sa pagbibigay sa akin ng panloob na kapayapaan. Mas napahalagahan ko rin ang aking mga kapatid sa pananampalataya. Nakakatuwang malaman na handa silang tumulong sa akin. Damang-dama ko na bahagi ako ng isang malaking pamilya. At na kailangan kong ipanalangin ang mga kapatid, gaya ni Yevgeniy, na nasa bilangguan. Ipinapanalangin ko sila araw-araw.

Ipinapaalaala sa atin ng mga karanasan ng ating mga kapatid na dinirinig ni Jehova ang ating mga panalangin at na tutulungan niya tayong linangin ang mga katangian na kailangan natin para mapagtagumpayan ang anumang pagsubok.—1 Juan 5:14.

Time Line

Marso 21, 2019

Hinalughog ang bahay ng mga Moiseyenko
Oktubre 13, 2020

Hinalughog ang bahay nina Yelena at Galina
Nobyembre 22, 2021

Sinampahan ng kasong kriminal
Pebrero 15, 2022

Hindi pinayagang umalis ng kanilang lugar
Abril 24, 2023

Nagsimula ang paglilitis

a b Sina Sister Galina Yatsik at Yelena Yatsyk ay hindi magkamag-anak.

Tingnan Din

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE