ABRIL 1, 2024| UPDATED: HULYO 30, 2024
RUSSIA

UPDATE—NAHATULAN ANG TATLONG KAPATID | “Mananatili Akong Tapat”

I-PLAY

Noong Hulyo 30, 2024, hinatulan ng Nikolaevsk-on-Amur City Court of the Khabarovsk Territory sina Brother Igor Kletkin, Brother Nikolay Kononenko, at Sister Nadezhda Korobochko. Nakatanggap ng anim-na-taóng suspended prison sentence sina Igor at Nikolay. Nakatanggap naman si Nadezhda ng limang-taóng suspended prison sentence. Hindi sila makukulong sa ngayon.

Profile

Igor Kletkin

Ipinanganak: 1961 (Nikolaevsk-on-Amur)

Maikling Impormasyon: Nagtrabaho bilang isang driver

Nang maparalisa ang nanay niya dahil sa isang aksidente, napaisip si Igor kung bakit nangyayari ang mga bagay na ito. Masaya siya nang malinaw na masagot ng Bibliya ang mga tanong niya. Nabautismuhan siya bilang isang Saksi ni Jehova noong 1999

Personal na mga Komento

Ano ang nakatulong sa iyo na manatiling positibo sa kabila ng pinagdadaanan mo ngayon?

Kahit mahirap ang pag-uusig, nanatiling matibay ang pananampalataya ko kay Jehova. Para sa akin, bahagi lang ito ng paglilingkod ko kay Jehova. Tinatandaan ko ang sinabi ni Jesus sa Juan 15:20: “Kung pinag-usig nila ako, pag-uusigin din nila kayo.” Kaya mananatili akong tapat. Hindi ako magtataksil kay Jehova, kay Jesus, at sa mga kapatid ko. Determinado akong maging mabuting halimbawa sa iba.

Nadezhda Korobochko

Ipinanganak: 1943 (Shakhty, Rostov Region)

Maikling Impormasyon: Nagtrabaho bilang isang accountant. Nagpalaki ng apat na anak

Nagbabasa na siya noon ng Bibliya pero hindi niya ito maunawaan. Nakipag-aral siya ng Bibliya sa mga Saksi ni Jehova. Masaya siyang makilala ang Diyos at malaman ang magagandang katangian Niya. Nabautismuhan noong 1996

Personal na mga Komento

Ano ang natutuhan mo tungkol kay Jehova sa mahirap na panahong ito?

Nalaman ko na hindi lang nakikita ni Jehova ang nangyayari sa akin, kundi alam din niya kung ano ang nararamdaman ko dito. At ibinibigay niya kung ano ang eksaktong kailangan ko. Kapag nag-aalala ako at naguguluhan, binibigyan ako ni Jehova ng kapayapaan. Tinutulungan niya akong maalala ang mga teksto sa Bibliya na magagamit ko sa sitwasyong kinakaharap ko. Kahit patindi nang patindi ang pagsubok, mas lalo ko namang nararamdaman ang espiritu ni Jehova, kaya lalo akong nagtitiwala sa kaniya.

Nagpapasalamat tayo kay Jehova sa pagmamahal, pangangalaga, at pagsuporta niya sa lahat ng nagtitiwala sa kaniya at nagsasabi: “Ikaw ang Diyos ko.”—Awit 31:14.

Time Line

Oktubre 11, 2021

Hinalughog ang mga bahay nina Igor at Nadezhda. Inilagay si Igor sa temporary detention center
Oktubre 12, 2021

Pinagtatanong si Nadezhda
Oktubre 13, 2021

Pinalaya si Igor mula sa temporary detention
Oktubre 14, 2021

Pinagbawalan sina Igor at Nadezhda na umalis ng kanilang lugar
Setyembre 27, 2022

Pinagbawalang umalis si Nikolay sa kanilang lugar
Enero 16, 2023

Nagsimula ang paglilitis

Tingnan Din

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE