HUNYO 20, 2023 | UPDATED: AGOSTO 23, 2023
RUSSIA

UPDATE—NAHATULANG NAGKASALA ANG ISANG SISTER | “Kaya Ko Ring Manatiling Tapat”

I-PLAY

Noong Agosto 22, 2023, hinatulan ng Oktyabrskiy District Court of Novosibirsk si Sister Tatyana Oleynik at pinatawan ng apat-na-taóng suspended prison sentence. Hindi niya kailangang makulong sa ngayon.

Profile

Tatyana Oleynik

Ipinanganak: 1952 (Khrushchevo, Tula Region)

Maikling Impormasyon: Limang taon si Tatyana nang mamatay ang nanay niya. Nagtrabaho bilang crane operator. May dalawang anak, isang lalaki at isang babae

Nabautismuhan bilang Saksi ni Jehova noong 2001

Personal na mga Komento

Anong mga katangiang Kristiyano ang nakatulong sa iyo sa mahirap na panahong ito?

Dahil sa napakahirap na sitwasyon ko, natuto akong maging mapagpakumbaba. Dati, umaasa lang ako sa sarili ko. Pero no’ng nakita ko ang magagandang resulta kapag sumusunod sa mga tagubilin, napatibay ako na patuloy na sumunod sa mga iyon.

Paano nakatulong sa iyo ang lakas ng loob ng iba na nagtitiis ng pag-uusig?

Kapag nababasa ko o naririnig ang mga karanasan nila, alam kong hindi ako nag-iisa. Kung natitiis iyon ng mga kapatid, kaya ko ring manatiling tapat kay Jehova. Kilala ko si Brother Aleksandr Seredkin at ang asawa niya. Nahatulan siyang makulong nang anim na taon. Napatibay nila ako. Nakita ko na maraming paraan si Jehova para tulungan tayo. Totoo ang sinasabi sa Hebreo 13:5, 6: “Dahil sinabi niya: ‘Hinding-hindi kita iiwan, at hinding-hindi kita pababayaan.’ Kaya lalakas ang loob natin at masasabi natin: ‘Si Jehova ang tumutulong sa akin; hindi ako matatakot.’”

Sigurado tayo na patuloy na pagpapalain ni Jehova si Tatyana at ang lahat ng “handang sumunod” sa lahat ng bagay.—Santiago 3:17.

Time Line

Abril 19, 2019

Hinalughog ang bahay
Nobyembre 18, 2021

Sinampahan ng kasong kriminal
Enero 26, 2023

Nagsimula ang paglilitis

Tingnan Din

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE