MAYO 3, 2023 | UPDATED: DISYEMBRE 13, 2023
RUSSIA

UPDATE—NAKULONG ANG KAPATID | “Alam ni Jehova ang Lahat ng Nangyayari”

I-PLAY

Noong Disyembre 7, 2023, sinentensiyahan ng Kirovskiy District Court of Kazan si Brother Aleksey Gerasimov ng anim-na-taóng pagkabilanggo. Agad siyang ibinilanggo pagkagaling sa korte.

Profile

Aleksey Gerasimov

Ipinanganak: 1980 (Ust-Kut, Irkutsk Region)

Maikling Impormasyon: Nagtatrabaho bilang drayber

Napangasawa si Nataliya noong 2006

Nakumbinsi na mga Saksi ni Jehova ang tunay na mga Kristiyano nang makita niya ang pag-ibig nila sa isa’t isa. Sina Aleksey at Nataliya ay nabautismuhan noong 2007

Personal na mga Komento

Anong teksto sa Bibliya ang talagang nakatulong sa iyo sa mahirap na panahong ito?

Nasiraan ako ng loob nang halughugin ang bahay namin. Alalang-alala ako bago dumating ang araw ng pagdinig ko sa korte. Pero napatibay ako ng isang brother nang ipaalala niya sa akin ang Isaias 49:15, 16. Sinabi doon ni Jehova: “Malilimutan ba ng ina ang kaniyang pasusuhing anak, o hindi ba siya maaawa sa anak na isinilang niya? Kahit pa makalimot ang isang ina, hinding-hindi ko kayo malilimutan. Iniukit kita sa mga palad ko.” Tinitiyak sa akin ng mga talatang ito na alam ni Jehova ang nangyayari sa akin at kung nasaan ako, at hinding-hindi niya ako iiwan. Natulungan ako ng karanasang ito na makitang si Jehova ang matibay na kanlungan.

Alam natin na hinding-hindi iiwan ni Jehova ang tapat na mga lingkod niya. Tapat siya at tinutulungan niya tayo na matiis ang anumang pagsubok.—1 Corinto 10:13.

Time Line

Pebrero 10, 2022

Sinampahan ng kasong kriminal
Marso 18, 2022

Hinalughog ang bahay at sumailalim sa interogasyon
Setyembre 23, 2022

Pinagbawalang umalis ng kanilang lugar
Pebrero 22, 2023

Nagsimula ang paglilitis

Tingnan Din

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE