MAYO 18, 2022| UPDATED: MARSO 12, 2024
RUSSIA

UPDATE—NAKULONG ANG KAPATID | Inver Siyukhov, Pinalakas

I-PLAY

Noong Marso 7, 2024, hinatulan ng Maykop City Court of the Republic of Adygeya si Brother Inver Siyukhov at sinentensiyahang mabilanggo nang anim na taon. Nasa pretrial detention na siya noon pang Abril 2021, at mananatili siyang nakakulong.

Time Line

Abril 15, 2021

Inakusahan dahil sa pag-oorganisa ng mga pulong gamit ang mga videoconferencing tool
Abril 16, 2021

Hinalughog ng mga pulis ang bahay ni Inver pati ang mga bahay ng apat pang Saksi ni Jehova. Sumailalim siya sa interogasyon at inilagay sa temporary detention
Abril 17, 2021

Inilagay sa pretrial detention center
Agosto 15, 2021

Inilipat sa maximum-security detention center na 110 kilometro mula sa Maykop
Setyembre 13, 2021

Nagsimula ang paglilitis

Profile

Inver Siyukhov

Ipinanganak: 1974 (Maykop)

Maikling Impormasyon: Nag-aral ng accounting at auditing. Nagtrabaho bilang isang cashier sa bangko at isang accountant

Nakipag-aral sa mga Saksi ni Jehova noong 1989. Humanga siya sa pagiging tapat nila. Nabautismuhan noong Setyembre 9, 1990. Ibinahagi ang mga katotohanan ng Bibliya sa kaniyang ate, na nabautismuhan noong 1992. Ang ate niya at ang asawa nito ang tanging mga kapamilya niya na mga Saksi

Personal na mga Komento Mula sa Ate ni Inver na si Zarieta Churda a

Ano ang nakatulong kay Inver na matiis ang kaniyang pagkakakulong?

Nang una kaming magkita sa detention center, tinanong ko siya kung ano ang nadarama niya na wala siyang kasamang mga kaibigan at pamilya. Masaya siya habang sinasabi niya na noong magsimula ang paghalughog, nadama niya na binigyan siya ni Jehova ng lakas, parang lobo na nilagyan ng hangin.

At napapanatili rin niya ang pagbabasa at pag-aaral ng Bibliya. Nagbabasa siya ng tatlong kabanata sa Hebreong Kasulatan at isang kabanata sa Griegong Kasulatan araw-araw. Sinisikap niyang tulungan ang ibang bilanggo. Noong unang dalawang buwan, natulungan niya ang dalawang bilanggo na huminto sa paninigarilyo.

Ano ang ginawa mo para maghanda, dahil alam mong puwede rin kayong maaresto ng asawa mo?

Kapag naghahanda ang mga turistang magbibiyahe sa ibang bansa, nagpapabakuna muna sila laban sa posibleng sakit. Ang “mga bakuna” ko ay ang mga teksto sa Bibliya, ang mga awit natin, at nakakapagpatibay na mga karanasan. Nang ipagbawal ang mga Saksi ni Jehova sa Russia noong 2017, binasa ko ulit ang mga ulat sa Yearbook kung paano ginagawa ang pangangaral sa mga bansa kung saan ipinagbabawal ang gawain natin. Interesado akong malaman kung paano napanatili ng mga kapatid natin ang pananampalataya nila at patuloy na nakapangaral sa kabila ng mga panganib.

Desidido kami na kung maaresto kami, hindi namin kakaawaan ang sarili namin. Tatanawin namin itong isang mahalagang atas na para bang sinasabi sa amin ni Jehova: “Pumunta ka sa Macedonia.”—Gawa 16:9.

Nagtitiwala tayo na patuloy na ‘kukuha ng lakas sa Panginoon at sa kaniyang dakilang kapangyarihan’ ang mahal nating mga kapatid sa Russia.—Efeso 6:10.

a Hindi posibleng makuha ang komento ni Brother Siyukhov dahil kasalukuyan siyang nasa pretrial detention.

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE