ABRIL 8, 2024 | UPDATED: HULYO 1, 2024
RUSSIA

UPDATE—NASENTENSIYAHANG MABILANGGO | Dama Namin ang Pangangalaga ni Jehova Habang Nasa Pretrial Detention

I-PLAY

Noong Hunyo 26, 2024, hinatulan ng Novocherkassk City Court of the Rostov Region si Sister Lyubov Galitsyna at sina Brother Garegin Khachaturyan at Gevorg Yeritsyan. Sinentensiyahan si Lyubov na mabilanggo nang dalawang taon at tatlong buwan. Pero dahil sa kaniyang pretrial detention, natapos na ang sentensiya niya. Hindi siya makukulong sa ngayon. Si Garegin naman ay nasentensiyahang mabilanggo nang anim na taon at anim na buwan, at si Gevorg ay nang anim na taon at dalawang buwan. Mananatili sila sa bilangguan.

Profile

Lyubov Galitsyna

Ipinanganak: 1959 (Plastunovskaya, Krasnodar Territory)

Maikling Impormasyon: Isang mechanical engineer sa isang pabrika bago nagretiro

Naging interesadong magpa-Bible study nang malaman niya ang tungkol sa pag-asang mawawala na ang sakit at kamatayan. Nabautismuhan bilang isang Saksi ni Jehova noong 1995

Nabiyuda noong 2015

Personal na mga Komento

Paano ka tinulungan ni Jehova noong nasa pretrial detention center ka sa loob ng isang taon at apat na buwan?

Napakahirap makasama sa selda ang mga nagdodroga, magnanakaw, at iba pang kriminal. Nakaka-stress. Kung minsan, magdamag akong nagsusumamo kay Jehova na tulungan akong makayanan ang sitwasyon ko. Mahigit sa 25 ang nakasama ko sa selda noong nandoon ako sa detention center. Sa tulong ni Jehova, naging maganda ang kaugnayan ko sa kanilang lahat. Tinulungan din niya akong makita ang mga kahinaan ko at mapaglabanan ang mga iyon. Nagpapasalamat ako na napasulong ko nang panahong iyon ang mga katangiang mahalaga sa isang Kristiyano.

Garegin Khachaturyan

Ipinanganak: 1967 (Azerbaijan)

Maikling Impormasyon: Isang karpintero. Lumipat sa Russia pagkatapos manirahan sa Poland at Germany

Hangang-hanga siya dahil tumpak ang nilalaman ng Bibliya at talagang nakikinabang ang mga sumusunod sa mga payo nito. Nabautismuhan siya noong 1994

Napangasawa niya si Kseniya noong 2008. Mayroon silang isang anak na lalaki

Personal na mga Komento Mula sa Asawa ni Garegin, si Kseniya a

Ano ang nakakatulong sa inyong mag-asawa na magtiis?

Sinulatan ako ni Garegin: “Talagang nagpapasalamat ako sa tulong ni Jehova. Napapatibay ako ng mga sulat ng mga kapatid sa kongregasyon natin. Napapanatag din ako dahil alam kong nandiyan lang sila para alalayan ako. Ngayon lang ako naging ganito kalapít kay Jehova.” Sang-ayon ako kay Garegin. Nadama namin na naging mas malapít kami kay Jehova, at kitang-kita namin kung paano niya kami tinutulungan araw-araw.

Nagtitiwala tayo na kahit may mga umuusig sa tapat na mga lingkod ni Jehova, patuloy niya silang pagpapalain “sa ikabubuti” nila.—Genesis 50:20.

Time Line

Agosto 11, 2022

Sinampahan ng kasong kriminal sina Lyubov, Garegin, at Gevorg. Hinalughog ang mga bahay nila. Sina Garegin at Gevorg ay inilagay sa temporary detention center
Agosto 12, 2022

Inilipat sina Garegin at Gevorg sa pretrial detention center
Agosto 16, 2022

Inilagay si Lyubov sa isang temporary detention center
Agosto 17, 2022

Inilipat si Lyubov sa isang pretrial detention center
Setyembre 20, 2023

Nagsimula ang paglilitis
Disyembre 25, 2023

Pinalaya si Lyubov mula sa pretrial detention at inilagay sa house arrest

a b Habang inihahanda ang artikulong ito, sina Brother Khachaturyan at Yeritsyan ay nasa pretrial detention kaya hindi puwedeng makuha ang kanilang personal na mga komento.

Tingnan Din

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE