PEBRERO 3, 2022
RUSSIA

UPDATE | Nakatulong kay Brother Andrey Vlasov ang Pagiging Aktibo Para Manatiling Positibo

I-PLAY

Noong Hulyo 26, 2022, hindi pinagbigyan ng Kemerovo Regional Court ang apela ni Brother Andrey Vlasov. Nakakulong pa rin siya.

Noong Mayo 23, 2022, hinatulan ng Central District Court ng City of Prokopyevsk si Andrey at sinentensiyahang makulong nang pitong taon. Magsisimula agad ang sentensiya niya.

Time Line

Hulyo 2, 2020

Sinampahan ng kasong kriminal si Andrey dahil sa pag-oorganisa daw ng mga gawain ng isang ekstremistang organisasyon
Hulyo 12, 2020

Hinalughog ng mga pulis ng FSB ang bahay at lugar na pinagtatrabahuhan ni Andrey. Kinumpiska nila ang elektronikong mga gadyet at mga Bibliya. Idinitine siya, at pinagtatanong naman ng mga imbestigador ang asawa niyang si Nataliya
Hulyo 14, 2020

Pinalaya mula sa pagkakaditine pero inilagay sa house arrest
Hunyo 9, 2021

Nagsimula ang paglilitis

Profile

Andrey Vlasov

Ipinanganak: 1968 (Prokopyevsk, Kemerovo Region)

Maikling Impormasyon: Mahilig sa musika at pagdodrowing. Nagtrabaho bilang isang photographer

Ang nakababata niyang kapatid ang nag-Bible study sa kaniya. Nabautismuhan bilang isang Saksi ni Jehova noong 1991. Napangasawa niya si Nataliya noong 2003

Personal na mga Komento

Paano ka nakakapanatiling positibo?

Nakatulong sa akin ang pagiging abala sa iba’t ibang gawain para manatiling positibo. Nagbabasa ako ng Bibliya, naghahanda para sa mga pulong, nanonood ng mga video ng organisasyon, nagpipinta, at nakikinig sa mga audiobook. Gumagawa rin ako ng mga gawaing-bahay, nananahi, at naglalaro ng chess, puzzle, at iba pang brainteaser.

Paano ka napapatibay ng iyong Kristiyanong mga kapatid?

Napapatibay ako kapag sinasabi ng mga kapatid na ipinapanalangin nila ako, na napapatibay sila ng pananampalataya ko, at na gusto rin nilang manatiling tapat kay Jehova.

Anong mga teksto sa Bibliya ang gustong-gusto mo, at paano ito nakatulong sa iyo?

Nakatulong sa aming mag-asawa ang 1 Pedro 4:12-14 na matiis ang paghalughog ng mga pulis sa aming bahay, ang imbestigasyon, at ang maraming pagdinig sa korte. . . . Isinulat namin ang mga talatang iyon at inilagay ito sa isang lugar na nakikita namin. Habang naka-house arrest ako, binubulay-bulay naming mag-asawa ang mga salitang iyon at napapaalalahanan kami nito na hindi kami iiwan ni Jehova. Habang nakaditine ako, napapatibay ako ng pananalita sa Isaias 40:10-13. Noong mga araw na iyon, nakadama ako ng kapanatagan at kaginhawahan ng puso.

Isang pribilehiyo nga na maging kamanggagawa si Andrey at ang iba pa nating mga kapatid sa Russia at Crimea habang masaya silang naninindigang matatag sa kanilang pananampalataya.—2 Corinto 1:24.

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE