PEBRERO 5, 2024 | UPDATED: OKTUBRE 9, 2024
RUSSIA

UPDATE—PINAGMULTA ANG KAPATID | “Ipagkatiwala Mo kay Jehova ang Landasin Mo”

I-PLAY

Noong Oktubre 7, 2024, hinatulan ng Shadrinskiy District Court of the Kurgan Region si Brother Aleksandr Lubin at pinagmulta ng 500,000 ruble ($5,180 U.S.).

Profile

Aleksandr Lubin

Ipinanganak: 1956 (Ogonek, Kurgan Region)

Maikling Impormasyon: Isang safety engineer para sa isang kompanya ng enerhiya bago nagretiro

Napangasawa niya si Tatyana noong Agosto 2001. Mayroon silang dalawang anak

Nakipag-aral ng Bibliya si Tatyana sa mga Saksi ni Jehova. Nang ma-stroke siya, binabasahan siya ni Aleksandr ng Bibliya at naging interesado ito. Sabay-sabay na nabautismuhan sina Aleksandr, Tatyana, at ang dalawa nilang anak noong 2003

May malalang arthritis ang balakang ni Aleksandr, kaya gumagamit siya ng baston sa paglakad. Mayroon din siyang autoimmune disease

Personal na mga Komento

Ano ang nakatulong sa iyo na manatiling masaya habang nasa pretrial detention center ka?

Napakahirap sa kulungan. Hindi ako binibigyan ng kahit anong gamot para sa matinding kirot ng arthritis ko. Noong una, nananalangin ako kay Jehova na tulungan niya akong makalaya agad. Pero nang maglaon, pagtitiis at kalmadong puso na ang hiningi ko sa kaniya. Madalas ko ring ipinapanalangin ang mga kapatid na nasa bilangguan. Sinabi ko sa sarili ko, ‘Pansamantala lang ito.’ Nagpokus ako sa mga pagpapalang ibinibigay sa akin ni Jehova. Nakatulong ito sa akin na manatiling masaya. Sa wakas, napalaya ako sa bilangguan. Napatibay ako ng Awit 37:5: “Ipagkatiwala mo kay Jehova ang landasin mo; manalig ka sa kaniya, at siya ang kikilos para sa iyo.” Kumbinsido ako na hindi tayo hahayaan ni Jehova na masubok nang higit sa makakaya natin. Lagi niya tayong tutulungang matiis ang anumang mahirap na sitwasyon kung lubusan tayong magtitiwala at aasa sa kaniya.

Gaya ni Aleksandr, nagtitiwala tayo na kahit hirap na hirap tayo, makakapagtiis tayo kung aasa tayo sa tulong ni Jehova.—Isaias 38:14.

Time Line

Hulyo 13, 2021

Sinampahan ng kasong kriminal
Hulyo 14, 2021

Hinalughog ang walong bahay ng mga Saksi ni Jehova. Inaresto si Aleksandr, pinagtatanong, at pansamantalang ikinulong
Hulyo 16, 2021

Inilipat sa pretrial detention center
Hulyo 19, 2021

Umapela dahil sa malubhang sakit
Agosto 28, 2021

Dahil sa kahilingan ng European Court of Human Rights at ng mga human rights activist, pinalaya si Aleksandr pero pinagbawalang umalis ng kanilang lugar
Hulyo 14, 2023

Nagsimula ang paglilitis
Setyembre 7, 2023

Ipinagpaliban ang pagdinig ng korte dahil naospital si Aleksandr

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE