AGOSTO 23, 2023 | UPDATED: HUNYO 25, 2024
RUSSIA

UPDATE—PINAGMULTA ANG KAPATID | “Lalo Lang Akong Lumalakas”

I-PLAY

Noong Hunyo 24, 2024, hinatulang nagkasala ng Lesosibirsk City Court of the Krasnoyarsk Territory si Brother Valeriy Schitz. Pinagmumulta siya ng 600,000 rubles ($6,894 U.S.).

Profile

Valeriy Schitz

Ipinanganak: 1966 (Bolshaya Murta, Krasnoyarsk Territory)

Maikling Impormasyon: Nagtrabaho sa construction

Napangasawa si Irina noong 1987. Mayroon silang dalawang anak na lalaki

Nakipag-aral silang mag-asawa ng Bibliya sa mga Saksi ni Jehova. Hangang-hanga sila sa katuparan ng mga hula sa Bibliya at kung paano gumanda ang buhay nila nang sundin ang mga payo ng Bibliya. Parehong nabautismuhan noong 2008

Personal na mga Komento

Ano ang natutuhan mo nang makatanggap ka ng tulong mula sa mga kapananampalataya mo?

Nang malaman ng mga kapatid ang nangyari sa amin, marami ang nag-alok ng tulong at ipinadama nila sa amin kung gaano nila kami kamahal. Ginamit nila ang panahon nila at lakas para tulungan kami. Sa simula, asiwa akong tumanggap ng tulong. May higit na kaligayahan sa pagbibigay kaysa sa pagtanggap, kaya ako lagi ang nagbibigay sa iba. Pero kailangan kong baguhin ang kaisipan ko at maging handang tumanggap ng tulong. Dahil diyan, natutuhan kong masaya ring makita ang iba na tinutularan ang halimbawa ni Jehova at ni Jesus sa pagpapakita ng pag-ibig.

Ano ang nakatulong sa iyo na huwag sumuko?

Masusubok ang pananampalataya ng lahat ng Kristiyano. Kung hindi dahil sa pagkabilanggo, baka sa pagkakasakit, kawalang-katarungan, o pagkamatay ng isang mahal sa buhay. Ipinapaalala sa akin ng Santiago 1:3 na ang ‘nasubok na pananampalataya ay magbubunga ng pagtitiis.’ Kaya lagi kong ibinubuhos ang laman ng puso ko kay Jehova sa panalangin. Habang regular akong nananalangin kay Jehova, lalong tumitibay ang kaugnayan ko sa kaniya. Napapatibay rin ako at napapalakas ng mga panalangin ng mga kapatid sa buong daigdig. Manghina man ako sa pisikal dahil sa pag-uusig at malimitahan ang puwede kong gawin, mananatili akong tapat kay Jehova. Ang totoo, lalo lang akong lumalakas.

Alam nating anumang pagsubok ang maranasan natin, tutulungan tayo ni Jehova at ng mga kapatid.—1 Pedro 5:9, 10.

Time Line

Nobyembre 19, 2021

Sinampahan ng kasong kriminal
Nobyembre 25, 2021

Hinalughog ang bahay niya at dinala siya para pagtatanungin
Nobyembre 26, 2021

May mga gawaing ipinagbawal sa kaniya
Mayo 18, 2022

Pinagbawalang umalis ng kanilang lugar
Abril 10, 2023

Nagsimula ang paglilitis

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE