DISYEMBRE 9, 2022 | UPDATED: ABRIL 25, 2023
RUSSIA

UPDATE—PINAGMULTA ANG KAPATID | “Nakakatulong . . . sa Akin ang Marubdob na Pananalangin”

I-PLAY

Noong Abril 25, 2023, hinatulan ng Metallurgicheskiy District Court of Chelyabinsk si Sister Irina Mikhaylenko. Pinagmulta siya ng 120,000 rubles ($1,471 U.S.).

Profile

Irina Mikhaylenko

Ipinanganak: 1969 (Chelyabinsk, Chelyabinsk Region)

Maikling Impormasyon: Director at cofounder ng isang tanggapan ng abogado

Nagkainteres sa Bibliya dahil nakikita niyang natutupad ang mga hula sa Bibliya at praktikal ang mga prinsipyo nito. Nabautismuhan bilang isang Saksi ni Jehova noong 1997

Personal na mga Komento

Ano ang nakatulong sa iyo na mapanatili ang kapayapaan ng isip?

Nakatulong sa akin ang halimbawa ni Jesus na marubdob na nanalangin sa hardin ng Getsemani noong may pinagdaraanan siyang mabigat na problema. Kahit pinalakas na siya ng isang anghel, patuloy pa rin siyang nanalangin nang marubdob. (Lucas 22:41-44) Kapag nag-aalala ako o natatakot, nakakatulong din sa akin ang marubdob na pananalangin.

Nagustuhan ko rin ang sinabi ni Brother Dmitriy Mikhaylov sa isang interbyu. Kasama rin siya sa mga nililitis: “Kapag lagi nating iniisip kung ano ang taglay natin noon, mas nagdurusa tayo. Kung madali nating tatanggapin ang bagong kalagayan natin, mas madaling babalik ang kagalakan natin pati na ang pagkakataon nating mapaglingkuran si Jehova at matulungan ang iba kahit nagbago ang kalagayan natin.” Pinag-isip ako ng sinabi niya. Naging mas masaya ako nang sundin ko ang payong iyon at napakilos ako nito na manatiling aktibo.

Napapatibay tayo ng sigasig at pagtitiwala ni Irina kay Jehova. Talagang patuloy Niyang binabantayan “ang buhay ng mga tapat sa kaniya.”—Awit 97:10.

Time Line

Marso 26, 2019

Hinalughog ang mga bahay ng 10 pamilya ng mga Saksi ni Jehova sa Chelyabinsk, pati na ang bahay ni Irina
Agosto 31, 2021

Sinampahan ng kasong kriminal
Oktubre 22, 2021

Muling hinalughog ang bahay. Dinala para sa interogasyon. Pinagbawalang magbiyahe
Oktubre 27, 2021

Opisyal na kinasuhan ng pakikibahagi sa mga gawain ng isang ipinagbabawal na relihiyosong organisasyon
Setyembre 7, 2022

Nagsimula ang paglilitis

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE