Noong Abril 26, 2023, hinatulan ng Leninskiy District Court of Nizhny Novgorod sina Brother Oleg Konshin, Sergey Malyanov, Roman Zhivolupov, a at si Sister Svetlana Malyanova, anak ni Sergey. Pinatawan sila ng multa mula 450,000 rubles ($5,494 U.S.) hanggang 700,000 rubles ($8,546 U.S.).

Ang mga kapatid natin na nananatiling tapat sa kabila ng pag-uusig ay patunay na ang mga “umaasa kay Jehova” ay magiging ‘malakas ang loob at matatag.’—Awit 27:14.

1. Pebrero 7, 2019

   Binigyan ng isang hukom ang mga pulis ng awtoridad na i-monitor ang mga tawag ni Sergey sa telepono at iba pang elektronikong gadyet

2. Hulyo 16-17, 2019

   Hinalughog ng mga pulis ang mga bahay ng 31 pamilya ng mga Saksi ni Jehova sa Nizhny Novgorod at sa Nizhny Novgorod Region. Inaresto sina Oleg, Sergey, at Svetlana at dinala sa isang temporary detention center. Sinampahan sila ng kasong kriminal

3. Hulyo 18, 2019

   Pinalaya sina Oleg, Sergey, at Svetlana sa detention center. Pinagbawalan ng korte ang dalawang brother na umalis ng kanilang bahay sa ilang panahon, makipag-usap sa isa’t isa, o gumamit ng Internet

4. Agosto 24, 2021

   Inakusahan si Roman na nakikibahagi sa mga gawain ng isang ekstremistang organisasyon at pinagbawalang magbiyahe

5. Marso 3, 2022

   Nagsimula ang paglilitis