PEBRERO 3, 2022 | UPDATED: HULYO 20, 2023
RUSSIA

UPDATE—PINALAYA ANG KAPATID | Nakatulong kay Brother Aleksey Ukhov ang Araw-Araw na Pagbabasa ng Bibliya at Pagbubulay-bulay Para Magtiwala kay Jehova

I-PLAY

Noong Hulyo 18, 2023, binago ng Khabarovsk Territory Court ang sentensiya kay Brother Aleksey Ukhov na anim-at-kalahating-taóng pagkabilanggo. Pinalitan ito ng anim-at-kalahating-taóng suspended prison sentence. Inilabas agad siya ng bilangguan pagkababa ng bagong hatol.

Noong Marso 24, 2023, hinatulan ng Sovetsko-Gavansky City Court ng Khabarovsk Territory si Aleksey at sinentensiyahan ng anim-at-kalahating-taóng pagkabilanggo. Agad siyang ikinulong mula sa courtroom.

Time Line

Oktubre 22, 2020

Hinalughog ng mga opisyal ng FSB ang bahay ng mga Ukhov. Kinuha ng mga opisyal ang elektronikong mga gadyet, flash drive, SIM card, bank card, personal na mga dokumento, at inimprentang mga publikasyon nila. Ikinulong siya ng mga imbestigador sa isang temporary detention center
Oktubre 23, 2020

Iniutos ng korte na ikulong siya sa pretrial detention center
Hulyo 9, 2021

Pinalaya pero pinagbawalang umalis sa Komsomolsk-on-Amur, kung saan siya nakulong
Setyembre 6, 2021

Nagsimula ang paglilitis

Profile

Aleksey Ukhov

Ipinanganak: 1980 (Lososina)

Maikling Impormasyon: Nasangkot sa okultismo noong kabataan niya. Pagkatapos mag-aral ng Bibliya sa mga Saksi ni Jehova noong tin-edyer siya, binago niya ang kaniyang buhay. Nabautismuhan noong 1996. Napangasawa si Liliya noong 2003

Personal na mga Komento

Ano ang nakatulong sa iyo na manatiling masaya habang nakakulong?

Nakatulong sa akin ang regular na pagbabasa ng Bibliya at pagbubulay-bulay. Nang magkaroon ako ng ballpen at papel, sinimulan kong magsulat ng magagandang aral sa bawat kabanata. . . . Habang nasa kulungan ako, nabasa ko ang buong Bibliya at binasa ko ito ulit hanggang sa aklat ng “mga pangalawahing propeta.” Nakatulong sa akin ang pagbabasa at pagbubulay-bulay para hindi ko madama na nakakulong ako.

Paano napatibay ang pagtitiwala mo kay Jehova sa naranasan mo sa kulungan?

Naging malinaw sa akin na sobra akong nagtiwala sa sarili ko at sa sarili kong lakas sa maraming bagay bago ako nakulong. . . . Sa lahat ng bagay, tiyak ko na makikita ko ang solusyon. Kung may masira, maaayos ko iyon. Kung may kailangan ako, mabibili ko iyon. . . . Ngayon, wala akong magawa para lutasin ang mga problema ko sa bago kong kalagayan. Natutuhan ko na ang pagtitiwala ay ang paglalagay ng lahat ng bagay sa kamay ni Jehova.

Alam natin na patuloy na gagantimpalaan ni Jehova si Aleksey dahil “ipinagkatiwala [niya] ang sarili niya sa Diyos na humahatol nang matuwid.”—1 Ped. 2:23.

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE