HUNYO 8, 2022
RUSSIA

UPDATE—PINALAYA ANG KAPATID | Suportado ng mga Kapananampalataya

I-PLAY

Noong Nobyembre 10, 2022, inilabas ng Vologda Regional Court ang hatol nito sa apela nina Brother Yuriy Baranov at Nikolay Stepanov. Hindi nagbago ang sentensiya kay Yuriy. Ang sentensiya naman kay Nikolay ay naging apat-na-taóng suspended prison sentence na lang mula sa apat-na-taóng pagkabilanggo. Agad siyang pinalaya.

Noong Setyembre 5, 2022, hinatulan ng Vologda City Court sina Yuriy at Nikolay. Pinatawan si Yuriy ng apat-na-taóng suspended prison sentence. Hindi siya makukulong sa ngayon. Nasentensiyahan namang mabilanggo si Nikolay nang apat na taon. Agad siyang ikinulong.

Time Line

Disyembre 19, 2019

Ni-raid ng mga pulis ang mga bahay ng anim na pamilya ng mga Saksi ni Jehova sa Vologda. Inaresto sina Yuriy at Nikolay at inilagay sa temporary detention center
Disyembre 20, 2019

Pinalaya si Yuriy at inilagay sa house arrest
Disyembre 23, 2019

Inilagay sa pretrial detention si Nikolay
Marso 16, 2020

Pinalaya si Yuriy mula sa house arrest pero may restriksiyon sa pakikipag-usap sa iba na kasangkot sa kaniyang kriminal na kaso at sa paggamit ng telepono at Internet
Mayo 19, 2020

Inalis ang mga restriksiyon kay Yuriy
Agosto 13, 2020

Pinalaya si Nikolay mula sa kulungan at inilagay sa house arrest
Setyembre 25, 2020

Pinalaya si Nikolay mula sa house arrest
Marso 7, 2022

Nagsimula ang paglilitis

Profile

Yuriy Baranov

Ipinanganak: 1952 (Vologda, Vologda Region)

Maikling Impormasyon: Dating welder. Nagretiro na at inaalagaan ang kaniyang 90-anyos na inang may kapansanan

Napangasawa si Nadezhda noong 1990

Pagkatapos hanapin ang mga sagot sa mga tanong niya tungkol sa buhay, nagpa-Bible study sa mga Saksi ni Jehova. Nabautismuhan noong 1994

Personal na mga Komento

Anong nakapagpapatibay ng mga komento ang natanggap mo na nakatulong sa iyo na magtiis?

Pinadadalhan ako ng mga kapatid ng mga card at madalas nila akong tawagan. Naalala ko ang isang brother na nagsabi sa akin: “Lahat ng ito ay may pasimula; mayroon din itong katapusan.” . . . May bantay pa sa kulungan na nagsabi sa akin: “Maaayos din ang lahat.” Inisip ko na ang mga sinabi nila ay isang paraan para patibayin ako ng aking Ama sa langit. . . . Ipinapaalala nito sa akin na mahal na mahal ako ng ating Amang si Jehova.

Nikolay Stepanov

Ipinanganak: 1974 (Vologda)

Maikling Impormasyon: Naglingkod sa army bago naging isang Saksi ni Jehova. Isang interior finisher

Dating ateista. Nagsimulang mag-aral ng Bibliya ang kasintahan niyang si Alla sa kaniyang nanay noong 1995. Tinulungan siya ni Alla na makumbinsi na umiiral ang Diyos. Pareho silang nabautismuhan noong 1996 at nagpakasal noong 1997. Mayroon silang isang anak na lalaki

Personal na mga Komento

Paano ka tinulungan ng iyong Kristiyanong mga kapatid sa mahirap na panahong ito?

Sa isa sa mga pagdinig ko sa korte, talagang nakakapagpatibay makita ang aking Kristiyanong mga kapatid sa loob ng hukuman—halos 50 sila!

Pinadalhan din ako ng mga kapatid ng mga card . . . , at ipinanalangin nila ako. Isang liham mula sa isang sister ang talagang nakaantig sa akin: “Dear Brother! Patuloy kang maging matatag at lakasan mo ang loob mo. Tutulungan ka ni Jehova sa lahat ng panahon. Kami, ang mga kaibigan mo, ay mananalangin para sa iyo, at lagi kang nasa aming alaala. Ang ating Ama ay masayang titingin sa iyo at ngingiti dahil tapat ka at proud siya sa iyo.”

Nakakapagpatibay ng pananampalataya na makitang patuloy na nananatiling tapat ang ating mga kapatid sa kabila ng pag-uusig.—1 Tesalonica 3:7.

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE