ENERO 4, 2022
RUSSIA

UPDATE | Paghahanda at Pag-asa, Nakatulong kay Brother Pyotr Krupnov at sa Asawa Niyang si Maya

I-PLAY

Noong Marso 9, 2022, ibinasura ng Penza Regional Court ang apela ni Brother Pyotr Krupnov at ng asawa niyang si Maya. Hindi nila kailangang makulong sa ngayon.

Time Line

Disyembre 30, 2021

Hinatulang nagkasala ng Nikolskiy District Court ng Penza Region si Pyotr at ang asawa niyang si Maya at pinatawan sila ng tatlong-taóng suspended prison sentence
Oktubre 25, 2021

Nagsimula ang paglilitis
Oktubre 12, 2021

Isinama ang pangalan nina Pyotr at Maya sa listahan ng mga terorista at ekstremista dahil sa pakikipag-usap tungkol sa relihiyosong mga bagay sa kanilang mga kaibigan
Setyembre 15, 2021

Sinampahan ng kasong kriminal si Maya. Pagkatapos, kinasuhan din si Pyotr
Oktubre 11, 2020

Hinalughog ng mga pulis ang mga bahay ng apat na Saksi ni Jehova sa Nikolsk, kasama na ang bahay ng mga Krupnov

Profile

Pyotr Krupnov

Ipinanganak: 1963

Maikling Impormasyon: Nagtatrabaho bilang tubero. Nakipag-Bible study sa mga Saksi ni Jehova noong 1996. Pagkatapos mabasa ang ating literatura at maobserbahan ang paggawi ng nagba-Bible study sa kaniya, nakumbinsi siya na nakita na niya ang katotohanan. Nabautismuhan noong 2002

Nakilala si Maya sa isang pulong ng kongregasyon. Nag-asawa noong 2008

Personal na mga Komento

May natatandaan ka bang pagkakataon na nakita mong tinulungan ka ni Jehova?

[Natatandaan] ko na nanalangin ako para hingin ang tulong ng banal na espiritu, pagkatapos, naalala ko ang Juan 10:28: “Walang sinumang aagaw sa kanila mula sa kamay ko.” Napatibay ako ng tekstong iyon at naging masaya ako. Parang nasa tabi ko ang aking Ama at tinutulungan ako. Kaya naging mas kalmado ako at panatag.

Ano ang nakakatulong sa iyo na magtiis?

Iniisip ko na gaano man kahirap ang mga pagsubok sa atin, walang-wala ito kung ihahambing sa [pribilehiyo na] maglingkod kay Jehova at magkaroon ng buhay na walang hanggan sa paraiso. Pag-ibig sa Diyos at sa kapuwa ang nagpapatibay sa akin na matiis ang mga pagsubok.

Maya Krupnova

Ipinanganak: 1957 (Atasu, Kazakhstan)

Maikling Impormasyon: Isang pastry chef. Nagretiro na at nag-e-enjoy sa paghahalaman

Unang natutuhan ang tungkol sa mga Saksi ni Jehova mula sa anak niyang babae. Parehong nabautismuhan noong 2001

Personal na mga Komento

Paano ka naghanda para sa mga pagsubok na ito?

Naghanda ako nang arestuhin ang ating mga kapatid [sa kalapit na lunsod]. Binasa ko ang mga aklat ng Bibliya na Esther at Jeremias. . . . Binasa ko ang mga ulat sa ating website at nagsaulo ako ng ating mga awit. Naghanda ako ng isang emergency “go bag” at isang bag na dadalhin ko sa bilangguan. . . . Nanalangin ako na bigyan ako ng karunungan at lakas ng loob na kailangan ko para maging kalmado at matiis ang mga pagsubok na iyon.

Paano ka sinusuportahan ng mga kapuwa mo Saksi?

Lahat sila, talagang pinapatibay nila ako, lalo na noong kailangang-kailangan ko ito. Noong sobrang lungkot ko, tinatawagan ako ng mga kapatid at sinusulatan, sinasabi nilang mahal nila ako. . . . Alam ko naman na mayroon akong malaki at maibiging pamilya. Pero noong 2020, lalo ko itong napatunayan.

Napapatibay tayo ng halimbawa nina Pyotr at Maya na nananatiling matatag sa kanilang pag-asa at nagtitiwala kay Jehova.—Hebreo 6:19.

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE