MAYO 25, 2022
RUSSIA

UPDATE | “Walang Dahilan Para Matakot”

I-PLAY

Noong Mayo 25, 2022, hinatulan ng Metallurgichesky District Court ng Chelyabinsk na may-sala si Brother Pavel Popov at pinatawan ng anim-na-taóng suspended prison sentence. Hindi niya kailangang makulong sa ngayon.

Time Line

Marso 26, 2019

Ni-raid at hinalughog ng isang grupo ng 10 lalaking may takip ang mukha at may dalang mga machine gun at sledgehammer ang bahay ni Pavel
Abril 22, 2021

Sinampahan ng kasong kriminal
Mayo 18, 2021

Hinalughog ng mga pulis ang bahay ni Pavel sa ikalawang pagkakataon. Dinala ang asawa ni Pavel na si Yelena at ang kanilang 13 years old na anak na babae para sa interogasyon
Agosto 31, 2021

Isinama sa listahan ng mga terorista at ekstremista
Nobyembre 29, 2021

Nagsimula ang paglilitis

Profile

Pavel Popov

Ipinanganak: 1977 (Novokuznetsk, Kemerovo Region)

Maikling Impormasyon: Nagsimulang manigarilyo at uminom ng alak noong kabataan pa dahil sa di-masayang pamilya. Namatay ang tatay noong 15 years old siya. Nagtrabaho bilang isang welder

Naging interesado sa Bibliya nang malaman ang tungkol sa pangakong buhay na walang hanggan sa Paraiso. Nakipag-aral sa mga Saksi ni Jehova noong 1994. Hangang-hanga sa pagkakasuwato ng Bibliya at sa tumpak na katuparan ng hula. Nabautismuhan noong 1995

Napangasawa si Yelena noong 2003. Mayroon silang isang anak na babae

Personal na mga Komento

Ano ang nakatulong sa iyo na huwag padaig sa takot?

Sinabi ni Jesus na kapag dinala tayo sa harap ng mga awtoridad, dapat nating gamitin ang pagkakataong iyon para magpatotoo. (Mateo 10:18) Baka hindi ito maganda o pamilyar na tagpo para magpatotoo, pero tinutulungan ako ni Jehova at ng mga kapatid para magawa ito. Kumbinsido ako na walang dahilan para matakot. . . . Sa karanasan ko, ang mga problema ay laging may kasunod na mga pagpapala. Kung magpopokus ako sa pagsasabi sa iba tungkol sa pangalan ng Diyos at sa kaniyang Kaharian, madaraig ko ang anumang takot o pagkasira ng loob.

Alam natin na patuloy na tutulungan at gagantimpalaan ni Jehova ang tapat na mga lingkod niya habang walang takot nilang iniingatan ang kanilang katapatan sa ilalim ng pagsubok.—2 Samuel 22:19-21.

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE