HULYO 7, 2022
RUSSIA

Yevgeniy Zinich, Nananatiling Tapat kay Jehova Gaya ng Kaniyang mga Magulang at Lolo’t Lola

I-PLAY

Noong Hunyo 27, 2022, hinatulan ng Oktyabrskiy District Court ng Krasnoyarsk na makulong si Brother Yevgeniy Zinich nang anim na taon. Agad siyang ikinulong.

Time Line

Disyembre 11, 2020

Hinalughog ang bahay nina Yevgeniy
Enero 21, 2021

Sinampahan ng kasong kriminal
Oktubre 19, 2021

Opisyal na inakusahan ng pag-oorganisa sa gawain ng isang ekstremistang organisasyon
Oktubre 20, 2021

Pinagbawalang magbiyahe
Disyembre 14, 2021

Nagsimula ang paglilitis

Profile

Yevgeniy Zinich

Ipinanganak: 1966 (Nazarovo, Krasnoyarsk Territory)

Maikling Impormasyon: Pinag-usig ang kaniyang mga magulang at lolo’t lola dahil sa kanilang pananampalataya noong panahong Sobyet

Nabautismuhan bilang Saksi ni Jehova noong 1982. Napangasawa si Mariya noong 1988, at pinalaki nila ang isang anak na babae. Namatay si Mariya bago matapos ang paglilitis sa isinampang kasong kriminal

Personal na mga Komento

Ang iyong mga magulang, lolo’t lola, at asawa, ay pinag-usig dahil sa kanilang pananampalataya. Paano nakatulong sa iyo ang mga halimbawa nila?

Noong panahong iyon, karaniwan nang pinag-uusig ang mga Saksi ni Jehova. Marami akong natutuhan mula sa reaksiyon nila sa pag-uusig. Hindi sila nagalit o naghinanakit sa mga nangyayari. Nauunawaan ng lahat na bahagi ito ng pagiging tunay na Kristiyano. Kapag pinag-iisipan ko ang halimbawa ng aking mga magulang, nauunawaan kong ang pananampalataya nila ay nakabase sa malalim na pagkaunawa sa katotohanan at sa kanilang malapít na kaugnayan sa Diyos. Tandang-tanda ko pa noong bata pa ako na nakikita kong nakaluhod si Tatay at mapagpakumbabang nananalangin.

Totoo rin iyan sa mga magulang ng asawa kong si Mariya. Ang katotohanan mula sa Bibliya ay hindi lang bahagi ng kanilang buhay, ito mismo ang kanilang buhay. Ibinahagi nila sa kaniya ang matibay na pananampalataya, regular na pagbabasa at pag-aaral ng Bibliya, at taimtim na pagmamalasakit sa mga kapatid sa kongregasyon. Hanggang sa wakas ng kaniyang buhay, kahit na may sakit si Mariya at nagpapagamot, gustong-gusto niyang tulungan ang iba na patibayin ang kanilang pananampalataya. Ipinapaalala niya sa akin ang mga nangangailangan ng pampatibay-loob.

Ano ang nakatulong sa iyo na makayanan ang napakahirap na kalagayang ito?

Ang pagnanais na patuloy na makatulong kay Jehova at sa aking mga kapatid ang nagpakilos sa akin. Sinisikap kong magbigay ng praktikal na tulong sa maraming kapatid sa bilangguan hangga’t maaari. Masaya ako dahil ginagamit ako ni Jehova para tumulong sa kanila, at dama ko na kailangan nila ang tulong ko. Tinuruan din ako nito na nagmamalasakit si Jehova sa bawat isa sa atin.

Damang-dama ko ang pag-ibig at pagsang-ayon ni Jehova sa akin dahil sa kabaitan at pagkabukas-palad na ipinapakita ng mga kapatid. Napakahalaga ng mga ito sa akin, lalo na nitong nakalipas na ilang buwan, dahil sa matinding pagdadalamhati ko sa pagkamatay ni Mariya.

Alam natin na tutulungan at aaliwin ni Jehova si Yevgeniy habang sinisikap niyang mamuhay sa pamana ng kaniyang pamilya na lakas-loob at pagtitiis sa mahihirap na panahon.—Awit 86:17.

Magugustuhan Mo Rin

NEWS RELEASE

Nakabilanggo Dahil sa Kanilang Pananampalataya—Russia

Ibinibilanggo ang mga Saksi ni Jehova sa Russia dahil sa kanilang pananampalataya. Alamin ang kuwento nila, at kumuha ng listahan ng mga Saksing nakabilanggo.

NEWS RELEASE