ENERO 16, 2017
RUSSIA
Ibinasura ng Appellate Court sa Russia ang Apela ng mga Saksi Laban sa Babala
Noong Enero 16, 2017, ibinasura ng Moscow City Court ang apela ng mga Saksi na kumukuwestiyon sa pagiging legal ng babala ng Prosecutor General laban sa kanilang pambansang punong-tanggapan. Tinanggihan ng panel na may tatlong miyembro ang lahat ng argumentong iniharap ng mga abogado ng mga Saksi at ibinaba ang desisyon nito pagkatapos ng 10-minutong break. Kinatigan ng desisyong ito ang desisyon ng Tverskoy District Court noong Oktubre 12, 2016, na pumabor sa Prosecutor General’s Office. Ang babala, na may petsang Marso 2, 2016, ay puwede na ngayong ipatupad. Gayunman, hindi pa malinaw kung paano iyon makakaapekto sa kalayaan sa pagsamba ng mga Saksi sa Russia.
Magugustuhan Mo Rin
NEWS RELEASE
Tumitindi ang Pag-atake ng Russia sa Kalayaan sa Pagsamba
Hihilingin ng mga Saksi na ibasura ng Moscow City Court ang babala laban sa kanilang Administrative Center, ang pambansang punong-tanggapang ng mga Saksi sa labas ng St. Petersburg.
NEWS RELEASE
Babalang Inilabas Para sa Punong-Tanggapan ng mga Saksi sa Russia, Banta sa Kalayaan sa Relihiyon
Malaya silang manampalataya ayon sa gusto nila pero hindi sila malayang sumamba kasama ang iba—iyan ang posibleng maging kalagayan ng mga Saksi ni Jehova sa Russia.