Sa Hulyo 28, 2014, ilalabas ng Taganrog City Court ang desisyon nito sa 15-buwang paglilitis sa 16 na Saksi ni Jehova. Ang mga awtoridad sa Taganrog ay nagsampa ng kasong kriminal laban sa mga Saksi dahil sa pag-oorganisa at pagdalo sa relihiyosong mga pagtitipon at sa pagbabahagi ng kanilang pananampalataya sa iba—mga gawaing ginagawa ng mga Saksi ni Jehova sa buong mundo. Kapag ang mga Saksi sa Taganrog ay nahatulang may-sala, magiging basehan ito para sa mga awtoridad sa buong Russia na sampahan ng kasong kriminal ang mga Saksi ni Jehova dahil sa pagsasagawa ng kanilang pananampalataya.