Bumuhos ang malakas na ulan sa silangang baybayin ng South Africa noong dulo ng Abril 2019. Tumagal ang pag-ulan kaya nagkaroon ng baha at mudslide sa ilang bahagi sa loob at palibot ng Durban, na nasa probinsiya ng KwaZulu-Natal. Ayon sa balita, di-bababa sa 70 ang namatay.

Iniulat ng sangay sa South Africa na walang nasaktan o namatay na kapatid. Pero nasira ng baha at mudslide ang mga bahay ng di-bababa sa 19 na pamilya. Di-kukulangin sa tatlong Kingdom Hall ang nasira din ng baha.

Sa pangunguna ng Disaster Relief Committee, inaalam ng mga boluntaryo sa Local Design/Construction kung gaano kalaki ang sira ng bawat bahay. Kung hindi ligtas ang bahay ng mga kapatid, gumagawa ng kaayusan para mabigyan sila ng ligtas na lugar na matutuluyan.

Nagtitiwala tayo na patuloy na susuportahan ni Jehova ang mga kapatid natin sa South Africa habang napapaharap sila sa mahirap na kalagayang ito.—Awit 34:19.