Noong Mayo 2019, iniulat na sinalanta ng malalakas na ulan at ng mga 500 buhawi ang United States.

Napinsala nito ang mga Saksi ni Jehova sa Arkansas, Indiana, Mississippi, Missouri, Ohio, Oklahoma, Pennsylvania, at Texas. Walang namatay sa ating mga kapatid, pero may anim na nasugatan at apat sa mga ito ang naospital. Nawasak din ang 6 na bahay ng mga kapatid, at nagkaroon ng sira ang 98 bahay at 12 Kingdom Hall. Kaya 84 na kapatid ang kailangang maghanap ng ibang matitirhan.

Habang inaalam pa ng mga kapatid kung gaano kalaki ang naging pinsala, patuloy silang naglalaan ng pagkain, tubig, at bahay sa mga nasalanta. Pinapatibay rin ng mga elder at ng mga tagapangasiwa ng sirkito roon ang ating mga kapatid.

Patuloy nating susuportahan at ipapanalangin ang mga kapatid natin habang bumabangon sila mula sa pinsalang dulot ng mga bagyo.—2 Corinto 1:3, 4.