Noong Agosto 8, 2023, mabilis na kumalat ang mga wildfire sa Maui, ang ikalawa sa pinakamalaking isla ng Hawaii, dahil sa malalakas na hangin mula sa karagatan. Tinupok ng apoy ang mga bahay, lugar ng negosyo, at mga communications system. Pinalikas ng mga awtoridad ang mga tao sa ilang lugar. Di-bababa sa 97 ang namatay. Pinapatay rin ng mga bombero ang maliliit na wildfire sa Big Island ng Hawaii.

Ito ang impormasyon mula sa unang mga report ng mga kapatid doon.

• Nakakalungkot, 1 may-edad na brother ang namatay dahil sa mga wildfire

• 307 kapatid ang inilikas

• 42 bahay ang nasunog

• 2 bahay ang matinding napinsala

• 38 bahay ang bahagyang napinsala

• 1 Kingdom Hall ang bahagyang napinsala

• Pinapatibay at tinutulungan ng mga tagapangasiwa ng sirkito at lokal na mga elder ang mga naapektuhan

• Isang Disaster Relief Committee ang inatasang manguna sa relief work

Pinananabikan natin ang araw kung kailan aalisin na ng Kaharian ng Diyos ang masamang lagay ng panahon na nagdudulot ng malaking problema sa maraming tao sa mga huling araw, pati na sa ating mga kapatid.​—Marcos 4:39.