[posible, Ang Ama ay Pagsaklolo].

1. Isang Benjamita na mula sa pamilya ni Bela. (1Cr 8:1-4) Lumilitaw na si Abisua ay isang anak ni Bela. Gayunman, dahil sa pagkakaiba-iba ng mga ulat sa Bilang 26:40, 1 Cronica 7:7, at 1 Cronica 8:1-4, naniniwala ang ilan na ang pananalitang “mga anak” ay maaaring mangahulugang “mga inapo.”

2. Anak ni Pinehas at apo sa tuhod ni Aaron. Siya ang ama ni Buki. (1Cr 6:4, 5, 50, 51) Ipinakikita sa Ezra 7:1-5 na isa siya sa mga ninuno ni Ezra. Tinutukoy ni Josephus (Jewish Antiquities, V, 361, 362 [xi, 5]; VIII, 12 [i, 3]) si Abisua (tinawag na Abiezer sa Aklat V) bilang ang mataas na saserdote. Kung tama ang pagtukoy na iyon, mangangahulugan ito na siya ang ikaapat na mataas na saserdote ng Israel, na katugma naman ng pangako ni Jehova sa ama ni Abisua na si Pinehas, na ang pagkasaserdote ay mananatili sa pamilya nito.​—Bil 25:11-13.