FEATURE

Ang Imperyo ng Babilonya

I-PLAY

ANG Babilonya ay tunay na isang kahanga-hangang lunsod—ang nagtataasan nitong mga pader, ang Processional Way nito, ang bantog na Hanging Gardens, at ang mahigit na 50 templo.

Maagang-maaga sa kasaysayan ng tao, ang Babel (nang maglaon ay tinawag na Babilonya) ay naging isang prominenteng sentro ng pagsamba na salansang sa tunay na Diyos na si Jehova. (Gen 10:9, 10) Binigo ni Jehova ang layunin ng mga tagapagtayo nito sa pamamagitan ng paggulo sa wika ng mga tao at pagpapangalat sa kanila patungo sa lahat ng dako sa lupa. (Gen 11:4-9) Sa gayon, ang huwad na pagsamba na nagmula sa Babilonya ay lumaganap sa ibang mga lupain.

Ang pagsalansang ng Babilonya kay Jehova ay humantong sa pagbagsak nito. Sa hula, inilarawan ni Jehova ang Babilonya bilang isang leon na may mga pakpak ng agila; inihula rin niya na babagsak ito at matitiwangwang. Noong gabi ng Oktubre 5, 539 B.C.E., ang Babilonya ay nakuha ni Cirong Dakila, na ang pangalan ay inihula ni Jehova. Bumagsak ang Babilonya ayon sa mismong paraan na inihula. Nang bandang huli, ang lunsod ay naging “mga bunton ng mga bato,” anupat hindi na muling maitatayo.—Jer 51:37; tingnan ang Isa 44:27–45:2.

MAPA: Ang Imperyo ng Babilonya

Muling-itinayong Ishtar Gate

Ang ziggurat sa Ur. Malamang na ang toreng itinayo sa Babel ay isang relihiyosong ziggurat na gaya nito

Inilalahad ng inskripsiyong ito ang paghahambog ni Nabucodonosor II tungkol sa lahat ng ginawa niya upang palakihin at palawakin ang Babilonya (Ihambing ang Dan 4:30)

Mga Pader ng Babilonya. Ang lunsod ay waring di-magagapi. Ipinagsasanggalang ito ng napakalalaking doblihang pader. May ikalawang hanay ng mga pader na nakapalibot sa silangang bahagi ng lunsod; isang pader din ang nagsisilbing pananggalang sa kahabaan ng silangang pampang ng Eufrates na dumaraan sa lunsod. Ang templo ni Marduk ang tampok na bahagi ng Babilonya. Nauugnay dito ang tore ng Etemenanki (itinuturing ng ilan bilang ang Tore ng Babel), na umaabot sa taas na 91 m (300 piye)

Dekorasyon mula sa Processional Way ng Babilonya. Kapansin-pansin na sa Bibliya, ang Babilonya ay isinasagisag ng isang leon (Dan 7:4)

Luwad na modelo ng atay ng tupa, inukitan ng mga tanda at mga pormula sa mahika; ginamit sa Babilonya para sa panghuhula (Ihambing ang Eze 21:20-22)

Si Nabonido, ang huling kataas-taasang monarka ng Babilonya, at ang mga sagisag ng mga diyos niya (buwang gasuklay ng diyos-buwan na si Sin, may-pakpak na araw ng diyos-araw na si Shamash, bituin ni Ishtar). Hindi nailigtas ang Babilonya ng mga bagay sa kalangitan at ng mga diyos na iniuugnay sa mga ito (Isa 47:12-15)

Ito ang sinasabing pinakamatandang halimbawa ng horoscope; mula sa Babilonia; pinaniniwalaang mula pa noong ikalimang siglo B.C.E.

Ang mga guho ng sinaunang Babilonya ay nagpapatotoo sa pagkamaaasahan ng hula ng Bibliya. Ang Babilonya noon “ang kagayakan ng mga kaharian”; ito ngayon ay “tiwangwang na kaguhuan” (Isa 13:19-22; Jer 50:13)