Ang salitang Griego na si·mi·kinʹthi·on ay tumutukoy sa isang bagay na ibinibigkis sa palibot ng kalahati ng katawan at gayundin sa isang makitid na pantakip. (Gaw 19:12) Waring itinatali ito sa baywang upang takpan ang bahagi ng katawan mula sa baywang pababa. Maaaring isinusuot ito noon para maingatan ang iba pang kasuutan, marahil ay ng mga nagtatrabaho gaya ng mga mangingisda, magpapalayok, tagaigib ng tubig, tindero, magtitinapay, at karpintero. Ibang-iba rito ang epod ng mga saserdote, yamang iyon ay isang kasuutang tulad-epron na nakasabit sa mga balikat at may harap at likod.​—Exo 28:6-8; tingnan ang MATAAS NA SASERDOTE.

Ang salitang Griego na isinaling ‘magsuot ng epron’ sa Lucas 17:8 (pe·ri·zonʹny·mai) ay literal na nangangahulugang “magbigkis.”​—Ihambing ang Efe 6:14.