Isang transliterasyon ng pananalitang Hebreo na ha·lelu-Yahʹ, na unang lumitaw sa Awit 104:35. Sa Bagong Sanlibutang Salin, karaniwan itong isinasalin bilang “purihin ninyo si Jah.” Lumilitaw ito nang 24 na beses sa Hebreong Kasulatan at, maliban sa Awit 135:3 (“purihin si Jah,” NW), ipinakikilala at/o tinatapos nito ang Awit na kababasahan nito. (Tingnan ang Aw 112:1; 115:18; 146:1, 10; 147:1, 20; 148:1, 14; 149:1, 9; 150:1, 6.) Ang pananalitang ito ay kasama ng “Amen” sa pagtatapos ng Ikaapat na Aklat ng Mga Awit (Aw 106:48), at isang anyong Griego nito ang lumilitaw nang apat na beses sa Apocalipsis 19:1-6, kung saan binabanggit ang kagalakang mararanasan dahil sa pagkapuksa ng Babilonyang Dakila at dahil sa pagpapasimula ng pamamahala ni Jehova bilang Hari.​—Tingnan ang JAH.