Dalawang pangalan, na magkahawig ang baybay sa Hebreo, ang isinalin nang magkapareho sa Tagalog.

1. Yits·harʹ. Ang ikalawa sa nakatalang apat na anak ni Kohat; samakatuwid ay isang apo ni  Levi. (Exo 6:16, 18; Bil 3:17, 19; 1Cr 6:2, 18) Ang isa sa tatlong anak ni Izhar, si Kora, ay pinuksa sa ilang dahil sa paghihimagsik.​—Exo 6:21; Bil 16:1, 32.

Si Izhar ang pinagmulan ng Levitang pamilya ng mga Izharita. (Bil 3:27) Sa ilalim ni Haring David, ang ilan sa mga Izharita, na ang pangulo ay si Selomit, ay inatasan bilang mga mang-aawit, mga opisyal, at mga hukom, samantalang ang iba naman ay nagsagawa ng karaniwang Levitikong mga tungkulin.​—1Cr 6:31-38; 23:12, 18; 24:20-22; 26:23, 29; tingnan ang AMINADAB Blg. 2.

2. Yits·charʹ (kaayon ng Vg). Isang inapo ni Juda; anak nina Ashur at Hela. (1Cr 4:1, 5, 7) Sa panggilid ng tekstong Masoretiko ang pangalang ito ay binabaybay na Zohar.