[mula sa salitang-ugat na nangangahulugang “maging mataas (mapadakila)”].

1. Isang inapo ni Benjamin sa pamamagitan ng kaniyang anak na si Beker.​—1Cr 7:6, 8.

2. Isang Benjamitang ulo ng isang pamilya na nanirahan sa Jerusalem; isa sa “mga anak” ni Berias.​—1Cr 8:14-16, 28.

3. Anak ni Musi at apo ni Merari sa tribo ni Levi. Ang sambahayan sa panig ng ama na nagmula sa taong ito, na ang pangalan ay binabaybay ring “Jerimot,” ay kabilang sa muling pagsasaayos ni David sa pagkakaorganisa ng Levitikong paglilingkod.​—1Cr 23:21, 23; 24:30, 31.

4. Isang anak ni Heman na nasa Levitikong sanga ng mga Kohatita. Noong panahon ng paghahari ni David, si Jeremot (Jerimot) ay pinili sa pamamagitan ng palabunutan upang pangunahan ang ika-15 sa 24 na pangkat ng mga manunugtog sa santuwaryo.​—1Cr 6:33; 25:1, 4, 8, 9, 22.

5, 6, 7. Tatlong Israelita, mula sa mga anak nina Elam, Zatu, at Bani, na nagpaalis sa kanilang mga asawang banyaga at mga anak noong mga araw ni Ezra.​—Ezr 10:25-27, 29, 44.