Hindi matiyak kung anong (mga) panugtog ang tinutukoy ng iba’t ibang salita sa orihinal na wika na isinaling “panugtog na de-kuwerdas.” Kadalasan, ang neʹvel ay binabanggit kasama ng kin·nohrʹ (alpa), anupat ipinahihiwatig na ang mga panugtog na ito ay magkaiba. Ang neʹvel, isang nabibitbit na panugtog na gawa sa kahoy (1Ha 10:12), ay ginagamit noon sa pagtugtog ng kapuwa sagrado at sekular na musika. (2Sa 6:5; 2Cr 5:12; Ne 12:27; Isa 5:12; 14:4, 11) Maliwanag na iba’t ibang panugtog na de-kuwerdas ang ginamit noon, yamang ang Bibliya ay bumabanggit ng min·nimʹ (“mga de-kuwerdas”; Aw 150:4), keliʹ neʹvel (“panugtog na uring de-kuwerdas” o “panugtog na de-kuwerdas”; 1Cr 16:5; Aw 71:22), neʹvel ʽa·sohrʹ (“panugtog na may sampung kuwerdas,” anupat ang ʽa·sohrʹ ay nauugnay sa isang salita na nangangahulugang “sampu”; Aw 33:2; 144:9), neghi·nohthʹ (nauugnay sa isang pandiwa na nangangahulugang “tumugtog ng panugtog na de-kuwerdas”; mga superskripsiyon ng Aw 4, 6, 54, 55, 61, 67, 76), at pesan·te·rinʹ (na nangangahulugang “panugtog na de-kuwerdas” na hugis-tatsulok; Dan 3:5, 7, 10, 15).​—Tingnan ang ALPA.