1. Isang anak ni Gomer na anak ni Japet, samakatuwid ay apo sa tuhod ni Noe.​—Gen 10:1-3; 1Cr 1:4-6.

2. Mga inapo ng anak ni Gomer na si Togarma at ang rehiyon na tinahanan nila. Sa panambitan ni Ezekiel may kinalaman sa Tiro, ang Togarma ay binabanggit bilang pinagmulan ng “mga kabayo at mga kabayong pandigma at mga mula,” na ipinakipagpalit ng Tiro sa ilang paninda. (Eze 27:2, 14) Itinatala ng propeta ring iyon na ang Togarma ay kabilang sa mga kaalyado ni Gog ng Magog at sinasabi niya na kasama ito sa mga bayan mula sa “pinakamalalayong bahagi sa hilaga.”​—Eze 38:6.

Iniuugnay ng maraming komentarista ang Togarma sa mga Armeniano. Kinikilala naman ng mga Armeniano, ayon sa kanilang tradisyon, na nagmula sila kay “Haik, anak ni Thorgom.” Binabanggit ng sinaunang mga manunulat na Griego na ang mga Armeniano ay bantog dahil sa kanilang mga kabayo at mga mula.