Awit 193

Ipangaral “Ang Mabuting Balitang Ito ng Kaharian”!

(Mateo 24:14)

1. Ang mabuting balita ay ipangaral;

Sa bawa’t bansa ibahagi.

Ngalan ni Jehova ang siyang matatanghal,

At dapat ipagbangong-puri.

(Koro)

2. Panaho’y masama, iyong samantalahin,

Iwasan ang paglilimayon.

Kaharia’y unahin at siya’y sambahin,

Nang yaman sa langit matipon.

(Koro)

3. Sa pagbabalita huwag kayong mangamba,

Kahit malakas ang kalaban.

Haraping matatag ang mga pagkutya;

Ang atas mo’y huwag pabayaan.

(KORO)

O mangaral kahit saan.

Ang maaamo ay turuan.

Tulungan ang lahat sa Diyos ay magtapat

At ngalan niya ay papurihan.