Awit 190

Isang Awit kay Jehova

(Awit 92:1, 2)

1. Ngayon tayo’y mag-awitan,

Ang Diyos patnubay sa daan.

Siya’y ating pasalamatan,

Papuri’y awitin.

Kabutihan niya’y dakila,

Sa puso nati’y pithaya.

Salita niya’y nagpalaya;

Tayo’y kanyang angkin.

2. Diyos ating pasalamatan,

Siya’y liwanag sa karimlan.

Silahis niya’y kumikinang

Taglay kaaliwan!

Salamat sa ’ting pag-asa;

Di sa dilim nangangapa.

Huwag na tayong mabalisa,

Kundi mag-awitan.

3. Awitin nati’y malambing,

Ang Diyos sa trono’y sambahin,

At kay Kristo padaanin

Dalanging mataos:

“Diyos na Jehovang matapat,

Kami’y nagpapasalamat.

Puri’t pagsamo’y marapat,

Ang lingap mo’y lubos.”