Awit 3

Matagumpay Laban sa Sanlibutan

(Juan 16:33)

1. Habang sumusulong tayo

Sa lakas ni Jehova,

Marami tayong tagumpay

Sa ’ting pakikibaka.

Mga bansa ma’y mapoot

Sa ’ting paglilingkuran,

May tiwala sa tagumpay,

Hindi mapipigilan.

2. Sa mundong kasalukuyan

Ay may pighati tayo.

“Huwag matakot!” ani Kristo,

‘Iingatan ko kayo.’

Tayo ay magtatagumpay,

Di atin ang digmaan.

Parang ningas si Jehova,

Tutupok sa kalaban.

3. Sa pananampalataya

Ang tagumpay ay tiyak.

Naghahari na si Kristo,

Ang tabak kanyang hawak.

Daigdig kanyang nasupil;

Atin ding magagawa.

Maluwalhating tagumpay,

Kung sa Diyos titiwala.