Awit 65

Nagtitipong May Pagkakaisa

(Awit 133)

1. O kay gandang malasin

Pagkakapatiran,

Na nagsasama-sama

At nag-iibigan!

Pagpapala ni Jehova,

Hamog ang kapara,

Sa Bundok Hermon no’ng una,

Ang Sion guminhawa.

2. Tayo’y magtipun-tipon

At mangag-udyukan.

Pag-asa nating tunay

Ihayag sa tanan.

Kaya’t tayo ay magsikap,

Pulong paghandaan,

Upang tayo’y masangkapan

Ng katotohanan.

3. Tapat si Jehovang Diyos;

Ang Salita niya’y tiyak.

Ating pag-aaralan

Upang pumanatag.

Di natin pababayaan,

Kapatirang mahal,

Araw ng Diyos kay lapit na;

Di na magtatagal.