Awit 35

Nakahihigit na Daan ng Pag-ibig

(1 Corinto 13)

1. Si Jehova ay pag-ibig;

Sundin ang kanyang daan.

Pag-ibig sa Diyos at kapwa’y

Salita’t sa gawa man.

Ang pananampalataya,

Hula at karunungan,

Kung wala rin ang pag-ibig,

Ay walang kabuluhan.

2. Mangaral man nang mahaba,

Magtiis kung usigin;

Anong pakikinabangin,

Kung liko ang layunin?

Pag-ibig ay matiisin,

Ang asal ay mahinhin,

Hindi mapanibughuin,

Malinis ang hangarin.

3. Pag-ibig ay di tampuhin,

Di galak sa masama.

Sa lahat ay matiisin,

Sa matwid ay may tuwa.

Pag-ibig at ang pag-asa’t

Pananampalataya,

Sa tatlong ito’y pag-ibig,

Pinakamahalaga.