ARALIN 18
May Matututuhan
1 Corinto 9:19-23
KUNG ANO ANG GAGAWIN: Pag-isipin ang mga tagapakinig; dapat na madama nilang may mahalaga silang natutuhan.
KUNG PAANO ITO GAGAWIN:
-
Isipin kung ano ang alam na ng mga tagapakinig. Sa halip na basta ulitin ang dati na nilang alam, tulungan silang may matutuhang bago sa paksa.
-
Magsaliksik at magbulay-bulay. Kung posible, gumamit din ng di-gaanong pamilyar na mga impormasyon o ng kasalukuyang mga pangyayari sa pagpapaliwanag ng pangunahing mga ideya. Pag-isipang mabuti ang materyal at ang koneksiyon nito sa mga impormasyong gusto mong banggitin.
-
Ipakitang makakatulong ang mensahe mo. Ipaliwanag kung paano makakatulong sa pang-araw-araw na buhay ng mga tagapakinig mo ang tatalakayin mong mga punto sa Kasulatan. Tumalakay ng espesipikong mga sitwasyon na nararanasan o ikinababahala ng mga tagapakinig mo at mga saloobin at paggawi na karaniwan sa kanila.