Mga Awit 108:1-13
Awit ni David.
108 Matatag ang puso ko, O Diyos.
Buong kaluluwa akong* aawit at tutugtog.+
2 Gumising ka, O instrumentong de-kuwerdas; ikaw rin, O alpa.+
Gigisingin ko ang bukang-liwayway.
3 Pupurihin kita sa gitna ng mga bayan, O Jehova,At aawit ako ng mga papuri* sa iyo sa gitna ng mga bansa.
4 Dahil ang iyong tapat na pag-ibig ay dakila, kasintaas ng langit,+At ang iyong katapatan ay hanggang sa kalangitan.
5 Maging dakila ka nawa sa langit, O Diyos;Maging maluwalhati ka nawa sa buong lupa.+
6 Para masagip ang mga minamahal mo,Iligtas mo kami sa pamamagitan ng iyong kanang kamay at dinggin mo ako.+
7 Nagsalita ang banal na Diyos:*
“Magsasaya ako, ibibigay ko ang Sikem+ bilang mana,At susukatin ko ang Lambak* ng Sucot.+
8 Sa akin ang Gilead,+ pati ang Manases,At ang Efraim ang helmet* para sa ulo ko;+Ang Juda ang aking baston ng kumandante.+
9 Ang Moab ang aking hugasan.+
Ihahagis ko sa Edom ang sandalyas ko.+
Hihiyaw ako sa kagalakan dahil sa tagumpay ko laban sa Filistia.”+
10 Sino ang magdadala sa akin sa napapaderang* lunsod?
Sino ang aakay sa akin hanggang sa Edom?+
11 Hindi ba ikaw, O Diyos, na nagtakwil sa amin,Ang Diyos namin na hindi na sumasama sa aming mga hukbo?+
12 Tulungan mo kami sa pagdurusa namin,+Dahil walang saysay na umasa sa pagliligtas ng tao.+
13 Bibigyan kami ng Diyos ng lakas,+At tatapakan niya ang mga kaaway namin.+
Talababa
^ Lit., “Maging ang kaluwalhatian ko ay.”
^ O “aawit ako at tutugtog para.”
^ O posibleng “Nagsalita ang Diyos sa kaniyang banal na lugar.”
^ O “Mababang Kapatagan.”
^ Lit., “tanggulan.”
^ O “nakukutaang.”