Mga Awit 116:1-19
116 Mahal ko si JehovaDahil dinirinig niya* ang tinig ko, ang paghingi ko ng tulong.+
2 Dahil nakikinig siya* sa akin,+At tatawag ako sa kaniya habang nabubuhay ako.*
3 Tinalian ako ng mga lubid ng kamatayan;Mahigpit ang hawak sa akin ng Libingan.*+
Labis akong naghihirap at nagdadalamhati.+
4 Pero tumawag ako sa pangalan ni Jehova:+
“O Jehova, iligtas mo ako!”
5 Si Jehova ay mapagmalasakit* at matuwid;+Ang Diyos natin ay maawain.+
6 Binabantayan ni Jehova ang mga walang karanasan.+
Nalugmok ako, pero iniligtas niya ako.
7 Muli akong mapapanatag,Dahil naging mabait sa akin si Jehova.
8 Iniligtas mo ako mula sa kamatayan,Ang mata ko mula sa mga luha, ang paa ko mula sa pagkatisod.+
9 Lalakad ako sa harap ni Jehova sa lupain ng mga buháy.
10 Nanampalataya ako, kaya nagsalita ako;+Labis akong naghihirap.
11 Natakot ako at sinabi ko:
“Ang lahat ng tao ay sinungaling.”+
12 Ano ang igaganti ko kay JehovaSa lahat ng kabutihang ginawa niya sa akin?
13 Kukunin ko ang kopa ng kaligtasan,*At tatawag ako sa pangalan ni Jehova.
14 Tutuparin ko ang mga panata ko kay JehovaSa harap ng buong bayan niya.+
15 Napakalaking kawalan* para kay JehovaAng kamatayan ng mga tapat sa kaniya.+
16 Nakikiusap ako sa iyo, O Jehova,Dahil lingkod mo ako.
Lingkod mo ako, ang anak ng iyong aliping babae.
Pinalaya mo ako sa pagkakagapos.+
17 Maghahandog ako sa iyo ng pasasalamat;+Tatawag ako sa pangalan ni Jehova.
18 Tutuparin ko ang mga panata ko kay Jehova+Sa harap ng buong bayan niya,+
19 Sa mga looban* ng bahay ni Jehova,+Sa gitna mo, O Jerusalem.
Purihin si Jah!*+
Talababa
^ O posibleng “Nagmamahal ako dahil dinirinig ni Jehova.”
^ O “yumuyuko siya para makinig.”
^ Lit., “sa mga araw ko.”
^ Lit., “Natagpuan ako ng mga kabagabagan ng Sheol.”
^ O “magandang-loob.”
^ O “dakilang pagliligtas.”
^ Lit., “Napakalaki ng halaga.”
^ O “bakuran.”
^ O “Hallelujah!” Ang “Jah” ay pinaikling anyo ng pangalang Jehova.