Mga Awit 21:1-13
Sa direktor. Awit ni David.
21 O Jehova, nagsasaya ang hari dahil sa iyong lakas;+Lubos siyang nagsasaya dahil sa iyong pagliligtas!+
2 Ibinigay mo sa kaniya ang gusto ng puso niya,+At hindi mo ipinagkait ang kahilingan ng mga labi niya. (Selah)
3 Dahil sagana mo siyang pinagpala;Nilagyan mo ang ulo niya ng koronang yari sa purong* ginto.+
4 Humingi siya sa iyo ng buhay, at ibinigay mo iyon sa kaniya,+Isang mahabang buhay, walang-hanggang buhay.
5 Ang pagliligtas mo ay nagbigay sa kaniya ng dakilang kaluwalhatian.+
Binigyan mo siya ng karangalan at karilagan.
6 Pagpapalain mo siya magpakailanman;+Pinasasaya mo siya dahil sa iyong presensiya.*+
7 Ang hari ay nagtitiwala kay Jehova;+Dahil sa tapat na pag-ibig ng Kataas-taasan, hindi siya matitinag.*+
8 Mahuhuli ng kamay mo ang lahat ng kaaway mo;Mahuhuli ng kanang kamay mo ang mga napopoot sa iyo.
9 Gagawin mo silang gaya ng nagniningas na hurno sa takdang panahon ng pagdating mo.
Dahil sa galit ay lalamunin sila ni Jehova, at tutupukin sila ng apoy.+
10 Pupuksain mo ang mga inapo* nila sa lupa,At ang mga supling nila mula sa mga anak ng tao.
11 Dahil gusto ka nilang gawan ng masama;+Gumawa sila ng mga pakanang hindi magtatagumpay.+
12 Dahil mapauurong mo sila+Kapag itinutok mo sa kanila* ang iyong pana.*
13 O Jehova, ipakita mo ang iyong lakas.
Aawit kami ng mga papuri* sa iyong kalakasan.
Talababa
^ O “dinalisay na.”
^ Lit., “mukha.”
^ O “susuray.”
^ Lit., “ang bunga.”
^ Lit., “mukha nila.”
^ Lit., “bagting ng pana.”
^ Lit., “Aawit kami at tutugtog para.”